యూఎస్ విజిటర్ వీసా దరఖాస్తుదారులకు శుభవార్త.. ఇప్పటినుంచి..

దరఖాస్తుదారుల కోసం వేచి ఉండే సమయాన్ని తగ్గించే ఈ భారీ ప్రయత్నం లో భాగంగా జనవరి 21 వ తేదీన న్యూఢిల్లీలోని అమెరికా రాయబార కార్యాలయం తో పాటు ముంబై, చెన్నై, హైదరాబాద్ కలకత్తాలోని కాన్సులేట్‌లు విజిటర్ వీసా ఇంటర్వ్యూలు నిర్వహించాయి.ఇందుకోసం చాలా మంది తాత్కాలిక సిబ్బందిని నియమించారు.ఇంకా చెప్పాలంటే ఈ ప్రక్రియ సామర్ధ్యాన్ని పెంచడానికి జనవరి మరియు మార్చి 2023 మధ్య వాషింగ్టన్ ఇతర రాయబార కార్యాలయాల నుంచి చాలామంది తాత్కాలిక కాన్సులర్ అధికారులు భారతదేశానికి వస్తున్నారు.మరోవైపు ఎంబసి, కాన్సులేట్‌లకు శాశ్వతంగా కేటాయించిన కాన్సులర్ అధికారుల సంఖ్య కూడా పెంచుతున్నారు.

రాబోయే రోజుల్లో ఎంపిక చేసిన శనివారాల్లో అపాయింట్‌మెంట్‌ల కోసం అదనపు స్లాట్‌లను తేరుస్తామని అమెరికా రాయబార కార్యాలయం ఒక ప్రకటనలో తెలిపింది.ఇదిలా ఉంటే ఇది వరకే మునుపటి అమెరికా వీసాలతో ఉన్న దరఖాస్తు దారుల కోసం ఇంటర్వ్యూలను మినహాయింపు కేసుల రిమోట్ ప్రాసెసింగ్‌ను అమలు చేసింది.అటువంటి దరఖాస్తుదారులు ఇప్పటి నుంచి వ్యక్తి గత ఇంటర్వ్యూలకు హాజరు కావాల్సిన అవసరం లేదు అని వెల్లడించింది.