తెలుగులో ప్రముఖ దర్శకుడు పూరి జగన్నాథ్ దర్శకత్వం వహించిన “సూపర్” అనే చిత్రం ద్వారా తెలుగు సినిమా పరిశ్రమకు హీరోయిన్ గా పరిచయమైన బెంగళూరు బ్యూటీ “అనుష్క శెట్టి” గురించి తెలుగు సినీ పరిశ్రమలో తెలియని వారుండరు. మొదట్లో సినిమా అవకాశాల కోసం ఈ అమ్మడు కొంతమేర ఇబ్బందులు ఎదుర్కొన్నప్పటికీ ఆ తరువాత వరుసగా స్టార్ హీరోల సరసన నటించే అవకాశాలు దక్కించుకుని దాదాపుగా 20 సంవత్సరాల కాలం పాటు టాలీవుడ్ సినిమా పరిశ్రమలో నెంబర్ వన్ హీరోయిన్ గా కొనసాగుతోంది.
కాగా అనుష్క శెట్టి తెలుగులో దాదాపుగా అందరి స్టార్ హీరోల సరసన నటించి ప్రేక్షకులను బాగానే మెప్పించింది.తాజాగా అనుష్క శెట్టి కి సంబంధించినటువంటి ఓ ఫోటో ప్రస్తుతం సోషల్ మీడియా మాధ్యమాలలో తెగ వైరల్ అవుతోంది.
అయితే ఆ ఫోటో ని ఒకసారి పరిశీలించినట్లయితే అనుష్క శెట్టి సినిమాల్లోకి రాకముందు కాలేజీలో చదివే సమయంలో తోటి విద్యార్థులు మరియు ఉపాధ్యాయులతో కలిసి గ్రూప్ ఫోటో తీయించుకున్నట్లు తెలుస్తోంది. దీంతో అనుష్క శెట్టి అభిమానులు ఈ ఫోటోని సోషల్ మీడియా మాధ్యమాలలో తెగ వైరల్ చేస్తున్నారు.
అంతేగాక ఈ ఫోటోని షేర్ చేసిన అతి కొద్ది కాలంలోనే లక్షలసంఖ్యలో లైకులు, కామెంట్లు వచ్చాయి.
అయితే ఈ విషయం ఇలా ఉండగా ఇటీవలే అనుష్క శెట్టి టాలీవుడ్ ప్రముఖ దర్శకుడు హేమంత్ మధుకర్ దర్శకత్వం వహించిన “నిశ్శబ్దం” అనే చిత్రంలో ప్రధాన పాత్రలో నటించింది.
కానీ ఈ చిత్రం ఆశించిన స్థాయిలో ప్రేక్షకులను ఆకట్టుకోలేకపోయింది.దీంతో అనుష్క శెట్టి తన తదుపరి చిత్రాల కథల విషయంలో కొంతమేర ఆచితూచి అడుగులు వేస్తోంది.
కాగా ఇటీవలే ఈ అమ్మడు టాలీవుడ్ రౌడీ విజయ్ దేవరకొండ హీరోగా నటిస్తున్న ఓ చిత్రంలో ప్రాధాన్యత ఉన్నటువంటి పాత్రలో నటించేందుకు గ్రీన్ సిగ్నల్ ఇచ్చినట్లు వార్తలు సోషల్ మీడియా మాధ్యమాలలో బలంగా వినిపిస్తున్నాయి. కానీ ఇప్పటివరకు ఈ విషయంపై అనుష్క శెట్టి మాత్రం స్పందించలేదు.
