మంచు విష్ణు ప్రస్తుతం దేవ కాట్టా దర్శకత్వంలో నటిస్తున్న విషయం తెల్సిందే.తమిళంలో సూపర్ హిట్ అయిన ‘అరిమ నంబి’ సినిమాను రీమేక్ చేస్తున్నారు.
ఈ సినిమాను మంచు విష్ణు సొంతంగా నిర్మిస్తున్నాడు.ఈ సినిమాకు నిన్న మొన్నటి వరకు ఎదురీత అనే టైటిల్ను పరిశీలిస్తున్నట్లుగా వార్తలు వచ్చాయి.
అయితే తాజాగా అందుతున్న సమాచారం ప్రకారం ఈ సినిమాకు ‘డైనమైట్’ అనే టైటిల్ను ఫిక్స్ చేసినట్లుగా చిత్ర యూనిట్ సభ్యులు ప్రకటించారు.
తమిళంలో సూపర్ హిట్ అయిన ‘అరిమ నంబి’ సినిమాలో పలు మార్పులు, చేర్పులు చేసి, తనదైన స్టైల్లో ఈ సినిమాను తెలుగు ప్రేక్షకుల ముందుకు తీసుకు వచ్చే ప్రయత్నాలు చేస్తున్నాడు దర్శకుడు దేవ కట్టా.
ఈ సినిమాలో హీరో మంచు విష్ణు డైనమైట్లా సీరియస్గా ఉంటాడని, అందుకే ఈ టైటిల్ను పెట్టినట్లుగా చిత్ర యూనిట్ సభ్యులు చెబుతున్నారు.ఇటీవలే మొదటి షెడ్యూల్ను పూర్తి చేసుకున్న ఈ సినిమాలో హీరోయిన్గా ప్రణీత నటిస్తోంది.
వీరిద్దరు జతగా కలిసి నటించడం ఇదే ప్రథమం అనే విషయం తెల్సిందే.