కారు 2వ అంతస్తులోకి దూసుకెళ్లడమేమిటి అని అనుకుంటున్నారా? మీరు విన్నది నిజమే.అమెరికాలో ఏదైనా సాధ్యమే.
అయితే ఒక అరుదైన ఫీట్ అని భావించకండి.ఇదొక దారుణమైన కారు ప్రమాదం.
ఈ ప్రమాదంలో అడురుష్టవశాత్తు ప్రాణ నష్టం జరగలేదు కానీ.ప్రమాదం జరిగిన విధానం చూసి స్థానికులతో పాటు నెటిజనం కూడా షాకవుతున్నారు.
కారు ఎంత వేగంతో వస్తే అంత పైకి ఎగిరి ఉంటుందో అని లెక్కలు వేస్తున్న పరిస్థితి.కాగా ఈ ప్రమాదానికి సంబంధించిన ఫోటోలు సోషల్ మీడియాలో వైరల్ అవుతున్నాయి.
‘జంక్షన్ ఫైర్ కంపెనీ’( Junction Fire Company ) ఫేస్ బుక్‌లో ఈ పోస్ట్ పెట్టడం జరిగింది.దాంతో ఈ పోస్ట్ వైరల్ అవుతోంది.
పెన్సిల్వేనియాలోని( Pennsylvania ) జరిగిన ఈ ఘటనలో డ్రైవర్ తీవ్రమైన గాయాలతో బయటపడ్డాడు.అల్ఫారటా రోడ్డులోని 800 బ్లాక్ లో మధ్యాహ్నం 3 గంటల 15 నిముషాల ప్రాంతంలో ఈ ఘటన జరిగినట్టు తెలుస్తోంది.వేగంగా వచ్చిన కారు 2వ అంతస్తును ఢీ కొట్టడంతో కారు లోనికి చొచ్చుకుని వెళ్లింది.ప్రమాదం జరిగిన 17 నిముషాల్లో రెస్క్యూ టీమ్ సంఘటనా స్థలానికి చేరుకోవడం విశేషం.
ఇంటి యజమానికి కూడా సాయం చేశారు.అందుకు 3 గంటల సమయం పట్టింది.
క్రాష్‌కి సంబంధించి ఎంత నష్టం జరిగిందో ఇంకా తెలియాల్సి వుంది.డ్రైవర్‌ను EMS సిబ్బంది గీసింగ్ లూయిస్‌టౌన్( Geising Lewistown ) ఆసుపత్రికి తరలించారు.
కాగా ఈ ప్రమాదానికి సంబంధించిన ఫోటోలను జంక్షన్ ఫైర్ కంపెనీ సోషల్ మీడియాలో షేర్ చేయడంతో ఆయా ఫోటోలు ఇపుడు సోషల్ మీడియాలో తగ చక్కెర్లు కొడుతున్నాయి.నెటిజన్లు ఈ ప్రమాద ఘటన గురించి తెలుసుకుని ఆశ్చర్యపోయారు.అయితే ప్రాణాలతో ఆ కారులో వున్నవారు బయటపడినందుకు సంతోషం వ్యక్తం చేస్తూ కామెంట్లు పెడుతున్నారు.కానీ డ్రైవర్ కి మాత్రం ఓ రేంజులో ఏసుకుంటున్నారు.తప్పతాగి డ్రైవ్ చేసావా? అని కొంతమంది అడిగితే… నువ్వు రోడ్డు పై కాకుండా ఇళ్లపై కారుని నడుపుతావా? ఎన్ని ప్రాణాలు పోయేవో తెలుసా? అంటూ క్లాస్ పీకుతున్నారు.
తెలుగు వార్త విశేషాలు సులభముగా తెలుసుకోండి!!!!
అవీ...ఇవి
టాప్ స్టోరీస్
క్రైమ్ న్యూస్
అవీ...ఇవి
ప్రత్యేకం
