అగ్రరాజ్యం అమెరికాలో భారీ తుఫాను బీభత్సం సృష్టిస్తోంది.దీని ప్రభావంతో వేలాదిగా విమాన సర్వీసులకు అంతరాయం ఏర్పడింది.
వాషింగ్టన్ మీదుగా తుపాన్ మేఘాలు అలుముకున్నాయి.ఉరుములు, మెరుపులతో పాటు సుడుగాలులతో కూడిన భారీ వర్షాలు పడుతున్నాయి.
దీంతో అప్రమత్తమైన అధికారులు పలు విమాన సర్వీసులను రద్దు చేశారు.ఈ నేపథ్యంలో సోమవారం రాత్రికి సుమారు 2,600 విమానాలు రద్దయ్యాయి.
అదేవిధంగా పలు విమానాలను దారి మళ్లించగా మరికొన్ని విమానాల రాకపోకలు ఆలస్యం అయ్యాయి.మరోవైపు తుపాను ప్రభావంతో డేలావేర్ లో ఇల్లు కుప్పకూలింది.