ట్రావెలింగ్ చేసేటప్పుడు వచ్చే అనుభూతి మరే ఇతర పనులు చేసేటప్పుడు రాదనడంలో సందేహం లేదు.అలాగే కొత్త ప్రదేశాలను చూస్తూ కొత్త విషయాలను తెలుసుకుంటూ ఉంటే ఎంతో సంతృప్తిగా అనిపిస్తుంది.
అయితే ఇలాంటి అనుభూతి పొందడం కోసం వేరే రాష్ట్రాలకో, లేదంటే దేశాలకో వెళ్లాల్సిన అవసరం లేదు.ఎందుకంటే తెలుగు రాష్ట్రాల్లో( Telugu states ) కూడా ఎన్నో చూడదగిన ప్రదేశాలు ఉన్నాయి.
ముఖ్యంగా తెలంగాణ రాష్ట్రంలో సహజ, సాంస్కృతిక అందాలను అన్వేషించడానికి అనేక అందమైన రహదారులు ఉన్నాయి.బైక్ రైడ్స్ చేసేవారు ఈ రహదారుల గుండా వెళ్తూ లైఫ్ టైమ్‌ ఎక్స్‌పీరియన్స్ పొందవచ్చు.
మరి ఆ మార్గాలేవో ఇప్పుడు తెలుసుకుందాం.
హైదరాబాద్ నుంచి వికారాబాద్ రోడ్డు ( Hyderabad to Vikarabad Road )మిమ్మల్ని సుందరమైన కొండలు, అడవుల గుండా అనంతగిరి కొండలకు తీసుకువెళుతుంది. ఖమ్మం నుంచి సూర్యాపేట( Khammam to Suryapet ) రహదారి వరి పొలాలు, సరస్సుల గుండా మంత్రముగ్దులను చేసే సూర్యాస్తమయ దృశ్యాలతో మైమరిపిస్తుంది.వరంగల్ నుంచి ములుగు రోడ్డు( Warangal to Mulugu road ) పురాతన రాతి నిర్మాణాలు, జలపాతాలతో గిరిజన ప్రాంతాల గుండా వెళుతుంది.
హైదరాబాద్ నుంచి నాగార్జున సాగర్ రహదారి కృష్ణా నది, నాగార్జున సాగర్ డ్యామ్ అద్భుతమైన వీక్షణలను అందిస్తుంది.ఆదిలాబాద్ నుంచి కడెం రోడ్డు వరకు పచ్చని అడవులు, జలపాతాలు కనుల విందు చేస్తాయి. హైదరాబాద్ నుంచి మెదక్ రోడ్ వరకు అద్భుతమైన మెదక్ కేథడ్రల్, పచ్చని పొలాలు ఉన్నాయి.
నిజామాబాద్ నుంచి బాసర్ రోడ్డు వరకు ప్రశాంతమైన అనుభూతి కలిగించే బాసర్ సరస్వతి ఆలయం, గోదావరి నది ఉన్నాయి.మొత్తం మీద తెలంగాణ రాష్ట్రం సరికొత్త ప్రయాణ అనుభవాలకు సరైన గమ్యస్థానం అని చెప్పవచ్చు.
