స్టీల్ ప్లాంట్ రాజకీయం ! బీజేపీ తో సహా అన్ని పార్టీలు నవ్వులపాలు ? 

ముఖ్యంగా ఈ విషయంలో తెలంగాణ అధికార పార్టీ బీఆర్ఎస్( BRS ) క్రెడిట్ మొత్తం తమదే అని ప్రచారం చేసుకుంది.స్టీల్ ప్లాంట్ ప్రైవేటీకరణ నిర్ణయాన్ని కేంద్రం విరమించుకోకపోతే బిడ్ వేస్తామని హడావుడి చేయడంతోనే,  స్టీల్ ప్లాంట్ ప్రైవేటీకరణ ను కేంద్రం నిలిపివేసిందని,  కేసీఆర్ తో పెట్టుకుంటే ఏం జరుగుతుందో బిజెపి కేంద్ర ప్రజలకు తెలుసునని, బీఆర్ఎస్ మంత్రులు హడావుడి చేశారు.విశాఖలో విజయోత్సవాలు చేసేందుకు ఏర్పాట్లు చేసుకుంటున్నారు.ఇక అధికార పార్టీ వైసీపీ కూడా ఇదంతా క్రెడిట్ వల్ల జరిగిందని , ఇటీవల ఏపీ సీఎం జగన్( AP CM Jagan ) ఢిల్లీకి వెళ్లి ప్రధాని నరేంద్ర మోడీతో ఇదే విషయంపై మాట్లాడారని , అందుకే ఈ నిర్ణయం తీసుకున్నారని ప్రచారం చేసుకుంది.

జనసేన సైతం ఇదంతా పవన్ కళ్యాణ్ వల్లే సాధ్యమైందని, ప్రచారం చేసుకుంది.పవన్ సైతం దీనిపై ట్వీట్ కూడా చేశారు.ఇక టిడిపి నేత పల్లా శ్రీనివాసరావు స్టీల్ ప్లాంట్ ప్రైవేటీకరణ కాకుండా ఆమరణ నిరాహార దీక్ష చేశారని,  అందుకే ప్రైవేటీకరణ నిలిచిపోయిందని టిడిపి ప్రచారం చేసుకోగా  బిజెపి రాజ్యసభ సభ్యుడు జీవీఎల్ నరసింహారావు( GVL Narasimha Rao ) ఢిల్లీ నుంచి విశాఖ వచ్చి మరి స్టీల్ ప్లాంట్ ప్రైవేటీకరణ కాకుండా నిలిచిపోయిన క్రెడిట్ బిజెపికి దక్కేల ప్రయత్నించారు.

అన్ని పార్టీలు స్టీల్ ప్లాంట్ విషయంలో ఎవరికి వారు గొప్పలు చెప్పుకుంటూ ఉండగానే , కేంద్రం నుంచి ప్రకటన వెలువడింది .స్టీల్ ప్లాంట్ ప్రైవేటీకరణ చేసే విషయంలో వెనక్కి తగ్గేదే లేదని ప్రకటించడం తో ఇప్పటి వరకు గొప్పలు చెప్పుకున్న అన్ని పార్టీలు కేంద్రం ప్రకటనతో నవ్వులపాలు అయ్యాయి.ఈ విషయంలో బిజెపికి కూడా మినహాయింపు లేదు.