మెగాస్టార్ చిరంజీవి నటిస్తున్న లేటెస్ట్ మూవీ ఆచార్య చిత్ర యూనిట్ మెగా ఫ్యాన్స్కు అదిరిపోయే డబుల్ ట్రీట్ను మెగా పవర్ స్టార్ రామ్ చరణ్ బర్త్డే కానుకగా అందించింది.ఈ సినిమాలో మెగాస్టార్ చిరంజీవి హీరోగా నటిస్తుండగా, ఓ పవర్ఫుల్ కేమియో పాత్రలో రామ్ చరణ్ నటిస్తున్న సంగతి తెలిసిందే.
కాగా ఈ సినిమాలో చరణ్ పాత్ర పేరు ‘సిద్ధ’ అనే విషయాన్ని చిత్ర దర్శకుడు కొరటాల శివ గతంలోనే వెల్లడించాడు.అయితే నేడు చరణ్ పుట్టినరోజు కావడంతో, ఈ సినిమాలోని చరణ్ లుక్ను రివీల్ చేసారు చిత్ర యూనిట్.
సిద్ధ అనే పాత్ర ఎలా ఉంటుందా అనే ఆసక్తికి తెరదించుతూ, ఈ సినిమాలో చరణ్ ఓ నక్సలైట్ పాత్రలో మనకు కనిపించబోతున్నట్లు చిత్ర యూనిట్ రివీల్ చేశారు.ఈ సినిమాలోని ఫ్లాష్బ్యాక్ ఎపిసోడ్లో చరణ్ పాత్ర ఉండబోతుందని, అందులో చిరు కూడా ఉంటాడని ఈ పోస్టర్ చూస్తే ఇట్టే అర్థం అవుతోంది.
ఇక ఈ పోస్టర్లో చిరుతో పాటు చరణ్ కూడా తుపాకీ పట్టుకుని మనకు కనిపించారు.అయితే ఈ పోస్టర్ను రిలీజ్ చేసిన దర్శకుడు కొరటాల శివ ‘ధర్మానికి ధైర్యం తోడైన వేళ’ అనే పవర్ఫుల్ క్యాప్షన్ను పెట్టడంతో ఈ పోస్టర్ ప్రస్తుతం ఫుల్ ట్రెండింగ్లో ఉంది.
మెగాస్టార్ సినిమాలో చరణ్ కేమియో ఏ రేంజ్లో ఉండబోతుందా అనే సందేహాలను పటాపంచలు చేస్తూ ఈ సినిమాలో సిద్ధ పాత్ర మామూలుగా ఉండదనే విషయాన్ని మనకు ఈ కొత్త పోస్టర్ తెలియజేస్తుంది.ఇక ఆచార్య చిత్రంలో చిరంజీవి చేయబోయే పాత్ర కూడా చాలా పవర్ఫుల్గా ఉండబోతుందని, ఎండోమెంట్ డిపార్ట్మెంట్లో జరిగే అన్యాయాలను ఎదురించే వ్యక్తిగా ఆచార్య కనిపిస్తాడని ఈ చిత్ర టీజర్లో మనకు చూపించారు.
మొత్తానికి చరణ్ పుట్టినరోజు నాడు మెగా ఫ్యాన్స్తో పాటు ప్రేక్షకులకు అదిరిపోయే డబుల్ ట్రీట్ ఇచ్చిన ఆచార్య చిత్రం, వేసవి కానుగా మే 13న రిలీజ్కు రెడీ అవుతోంది.