ఇంతకీ ఆ గోడ కట్టింది ఎవరు ? టీడీపీ వర్సెస్ వైసిపి

విజయవాడ నగరాన్ని వరదలు ముంచేత్తిన నేపథ్యంలో కృష్ణలంక రిటైనింగ్ వాల్( Krishna Lanka Retaining Wall ) కారణంగా కృష్ణలంక ప్రాంతం సురక్షితంగా ఉంది.దీనికి కారణం ఆ వాల్ కట్టించింది జగన్మోహన్ రెడ్డి ప్రభుత్వంలోనని వైసిపి మీడియా సోషల్ మీడియాలో ప్రచారం చేసుకుంటుంది.ఇడుపులపాయ నుంచి నిన్న నేరుగా విజయవాడ కృష్ణలంక ప్రాంతానికి చేరుకున్న జగన్ కు ఇక్కడ ఊహించని స్థాయిలో జనాల నుంచి స్పందన వచ్చింది.

విజయవాడ నగరానికి భారీగా వరదలు వచ్చినా కృష్ణ లంక ప్రాంతం మునగక పోవడానికి ఈ రిటైనింగ్ వాల్ కారణమని, జగన్ ప్రభుత్వ హయాంలోనే ఇది పూర్తయిందని , దీంతో తమను కాపాడింది జగనే అని కొంతమంది వ్యాఖ్యానించడం, దానిని వైసిపి మీడియా సోషల్ మీడియా హైలెట్ చేసుకోవడంతో టిడిపి కూడా రంగంలోకి దిగింది.

ఈ రిటర్నింగ్ వాల్ నిర్మాణం 2014లో టిడిపి( TDP ) అధికారంలోకి వచ్చినప్పుడే మొదలైందని , సగం వరకు నిర్మాణం పూర్తయిందని, 2019లో వైసిపి( YCP ) అధికారంలోకి వచ్చాక మిగతా సగం పూర్తయిందని , దానిని జగన్ తన ఖాతాలో వేసుకునేందుకు ప్రయత్నిస్తున్నారని విమర్శలు చేస్తోంది.ఈ రిటర్నింగ్ వాల్ నిర్మాణం క్రెడిట్ మొత్తం చంద్రబాబుదే( Chandrababu ) అని టిడిపి హైలెట్ చేస్తుండగా వైసిపి కూడా ఆ క్రెడిట్ జగన్ కు ఇచ్చేందుకు గట్టిగానే ప్రయత్నిస్తోంది.దీంతో ఈ వాల్ ఎవరు కట్టించారనే దానిపైనే ప్రస్తుతం టిడిపి వైసిపి మధ్య వారు నడుస్తోంది.

అయితే కృష్ణలంక రిటర్నింగ్ వాల్ క్రెడిట్ అటు చంద్రబాబుతో పాటు ఇటు జగన్ కు దక్కుతుందనే విషయం అందరికి అర్ధం అవుతోంది.