ముంబైకి చెందిన కంపెనీ పీఎమ్‌వీ ఎలక్ట్రిక్ తన EaS-E ఎలక్ట్రిక్ వాహనాన్ని నవంబర్ 16న భారత మార్కెట్‌లో లాంచ్ చేయనుంది.ఈ మైక్రో ఈవీలో 5 డోర్స్‌ ఉంటాయి.
డైలీ సిటీలో ట్రావెలింగ్ చేయడం కోసం తయారుచేసిన ఈ కారు 160కి.మీల రేంజ్ ఆఫర్ చేస్తుంది.
దీని బ్యాటరీని 3 kW AC ఛార్జర్‌తో నాలుగు గంటల కంటే తక్కువ వ్యవధిలో ఫుల్‌గా ఛార్జ్ చేయవచ్చు.రేంజ్‌ను బట్టి ఇది చిన్న బ్యాటరీ ప్యాక్‌తో వస్తుంది.
దీనిలో క్రూయిజ్ కంట్రోల్, రీజెనరేటివ్ బ్రేకింగ్, ఎల్ఈడీ హెడ్‌లైట్‌లు, టెయిల్ ల్యాంప్స్, DRLలు, అల్లాయ్ వీల్స్ వంటివి ఇందులో ఉన్నాయి.ఓవర్-ది-ఎయిర్ అప్‌డేట్లు, ఏసీ, లైట్లు, కిటికీలు, హారన్‌లను రిమోట్‌గా కంట్రోల్ చేయడానికి మొబైల్ అప్లికేషన్ వంటి ఫీచర్లతో ఇది వస్తుంది.EaS-E ఎలక్ట్రిక్ వెహికల్‌ను రూ.4 లక్షల నుంచి రూ.5 లక్షల (ఎక్స్-షోరూమ్) ధరతో లాంచ్ చేయవచ్చు.ఈ ఎలక్ట్రిక్ కారు 120 కి.మీ నుంచి 200 కి.మీ వరకు వేర్వేరు ఫుల్ ఛార్జ్ రేంజ్‌లతో మూడు వేరియంట్‌లలో అందుబాటులో ఉంటుంది.
ఈ కారు పొడవు 2,915 మిమీ వెడల్పు 1,157 మిమీ, ఎత్తు 1,600 మిమీ ఉంటుంది.దీని గ్రౌండ్ క్లియరెన్స్ 170 మిమీ ఉంటుంది.లైట్ మోడల్‌గా ఉన్నందున, ఈ కారు కేవలం 550 కిలోల బరువు మాత్రమే ఉంటుందని సమాచారం.అంటే మామూలు కార్లతో పోలిస్తే దీని బరువు సగం కంటే తక్కువగా ఉంటుంది.
ఫ్యామిలీతో కలిసి చాలా తక్కువ ఖర్చులో ప్రయాణాలు చేయాలనుకునే వారికి ఈ కారు పర్ఫెక్ట్ గా సూట్ అవుతుంది.
తెలుగు వార్త విశేషాలు సులభముగా తెలుసుకోండి!!!!
