ప్రముఖ సిటీల్లో స్టాచ్యూలు ఎక్కువగా ప్రత్యక్షం అవుతుంటాయి.ముఖ్యంగా యూరప్ దేశాలు, అమెరికా, ఇంగ్లాండ్ తదితర ప్రాంతాల్లో అద్భుతమైన విగ్రహాలు కనిపిస్తాయి.
వీటిని చూస్తే ఎవరైనా సరే ఫిదా అవ్వక తప్పదు.పర్యాటకులు ఎక్కువగా ఈ విగ్రహాలను చూస్తూ మైమర్చిపోతుంటారు.
అయితే కొందరు పర్యాటకులు మాత్రం ఈ విగ్రహాలతో ఫన్నీగా, నాటీగా ఫొటోలు దిగి నెటిజన్లను కడుపుబ్బా నవ్విస్తున్నారు.ఈ ఫొటోలను తాజాగా ప్యూబిటీ అనే ఇన్స్టాగ్రామ్ పేజీ షేర్ చేసింది.
కాగా ఈ ఫొటోలు ఇప్పుడు తెగ వైరల్ అవుతున్నాయి.వీటిలోని ఒక ఫొటోలో మీరు ఒక యువతి ఒక స్టాచ్యూ ముందు నిలబడి చెంపదెబ్బ తిన్నట్లుగా ఫోజు ఇవ్వటం చూడొచ్చు.
అయితే ఆ స్టాచ్యూ ఒక చేతిలో పూల బాస్కెట్ పట్టుకుని… మరొక చేతిని చెంపదెబ్బ కొట్టినట్లుగానే కనిపించింది.దీంతో ఈ మొత్తం ఫొటో ఆకట్టుకునేలా భలే కనిపించింది.
మరొక ఫొటోలో 2 స్టాచ్యూలు ఒక బల్లపై కూర్చున్నట్టు ఉన్నాయి.అయితే రెండు విగ్రహాల మధ్య కాస్త స్పేస్ ఉంది.అలాగే ఈ విగ్రహాలలోని ఒక విగ్రహం ఏదో చూస్తూ నవ్వుతున్నట్లుగా ఉంది.అయితే ఆ విగ్రహం తన ఫోన్ను చూస్తూ నవ్వుతున్నట్లుగా ఒక వ్యక్తి వాటి మధ్య కూర్చొని పోజు ఇచ్చాడు.
ఈ పోజు కూడా కరెక్ట్ గా సూట్ అయ్యింది.దీంతో ఆ స్టాచ్యూ నిజంగానే అతడి ఫోన్ చూసి నవ్వేస్తోందేమో అన్నట్లుగా ఫీల్ కలిగింది.
ఇంకొక ఫొటోలో మూడు విగ్రహాలు కార్మికులను పోలి ఉన్నాయి.ప్రతి విగ్రహం చేతిలో ఒక సుత్తి ఉంది.
అయితే ఆ సుత్తితో తననే కొడుతున్నట్టుగా ఒక యువకుడు పోజు ఇచ్చి అందర్నీ నవ్విస్తున్నాడు.
మరొక ఫొటోలో బాల్ హిట్ చేస్తున్న బేస్బాల్ ప్లేయర్ విగ్రహాన్ని చూడొచ్చు.అయితే ఈ విగ్రహం బాల్కి బదులుగా తననే కొట్టినట్టుగా ఒక వ్యక్తి ఒక పోజుతో భ్రమ కలిగించాడు.అలానే కూర్చున్న స్టాచ్యూకి టిష్యూ పేపర్ ఇవ్వడం, ఎలుగుబంటి స్టాచ్యూ చేతుల్లో యువతి పడుకోవడం, నీటి ఒడ్డున ఉన్న ఓ విగ్రహాని తన్నడం వంటి మరిన్ని ఫన్నీ ఫొటోలను కూడా ప్యూబిటీ షేర్ చేసింది.
ఈ ఫొటో పోస్ట్కి 3 లక్షల వరకు లైకులు వచ్చాయి.ఈ ఫోటోలు చాలా క్రియేటివ్ గా ఉన్నాయని వీటిని చూసిన నెటిజన్లు కామెంట్లు పెడుతున్నారు మీరు కూడా వీటిపై ఓ లుక్కేయండి.