అమెరికాలో స్థిరపడి నాలుగు రాళ్లు సంపాదించాలనే ఉద్దేశంతో అగ్రరాజ్యానికి వెళ్లే భారతీయుల సంఖ్య నానాటికీ పెరుగుతోంది.చట్టబద్ధంగా వీలుకానీ పక్షంలో అవసరమైతే దొడ్డిదారిన అయినా సరే అమెరికాలో( America ) అడుగుపెట్టాలని భారతీయులు భావిస్తున్నారు.
అక్రమంగా అగ్రరాజ్యంలో ప్రవేశించడం రిస్క్ అని తెలిసినా, పలువురు ప్రాణాలు కోల్పోతున్నా భారతీయలకు డాలర్లపై మోజు పోవడం లేదు.
కాగా.2023-24లలో భారత్ నుంచి మొత్తం 3,31,602 మంది అంతర్జాతీయ విద్యార్ధులు అమెరికాలోని ఉన్నత విద్యా సంస్థల్లో చేరినట్లుగా గణాంకాలు చెబుతున్నాయి.ఇది గతేడాదితో పోలిస్తే ఇది దాదాపు 23.3 శాతం మార్పు.ఓపెన్ డోర్స్ రిపోర్ట్ ప్రకారం.2023-24 విద్యా సంవత్సరంలో అమెరికాలోని ఉన్నత విద్యాసంస్థలలో ఆప్షనల్ ప్రాక్టికల్ ట్రైనింగ్ (ఓపీటీ)లో దాదాపు 11,26,690 మంది అంతర్జాతీయ విద్యార్ధులు ఉన్నారట.
2023-24లలో 210కి పైగా దేశాల నుంచి వచ్చిన మొత్తం 1.12 మిలియన్ల మంది అంతర్జాతీయ విద్యార్ధుల జనాభాలో 29 శాతంతో భారతీయులు( Indians ) తొలిస్థానంలో ఉండగా.చైనీయులు( Chinese ) 25 శాతంతో రెండవ స్థానంలో నిలిచారు.
అమెరికాలోని అంతర్జాతీయ విద్యార్ధులలో భారత్ , చైనా విద్యార్ధుల సంఖ్య 54 శాతం కావడం గమనార్హం.బ్రెజిల్, నైజీరియా, బంగ్లాదేశ్, వియత్నాం, తైవాన్ , కెనడా వంటి దేశాలకు చెందిన వారు అతి తక్కువ మంది విద్యార్థులు ఉన్నారు.
తర్వాత కొలంబియా (11%), ఘనా (45%), ఇరాన్ (15%), నేపాల్ (11%), నైజీరియా (14%), పాకిస్తాన్ (8%) విద్యార్ధులు ఉన్నారు.అమెరికాలో భారతీయ విద్యార్ధులు గ్రాడ్యుయేషన్ (1,96,567-19 శాతం), ఆప్షనల్ ప్రాక్టికల్ ట్రైనింగ్ (ఓపీటీ)ని (97,556-41 శాతం)ని ఎంచుకున్నారు.
మరోవైపు .దొడ్డిదారిన సరిహద్దులు దాటి తమ దేశంలోకి అడుగుపెడుతున్న విదేశీయులపై అమెరికా కన్నెర్ర చేస్తోంది.సరైన పత్రాలు లేకుండా చట్టవిరుద్ధంగా నివసిస్తున్న విదేశీయులను దేశం నుంచి బహిష్కరిస్తోంది.అలా బహిష్కరణను ఎదుర్కొంటున్న వారిలో భారతీయులు కూడా ఉంటున్నారు.గడిచిన ఏడాది కాలంగా 1100 మంది భారతీయులను అమెరికా వెనక్కి పంపినట్లుగా గణాంకాలు చెబుతున్నాయి.ఈ మేరకు డిపార్ట్‌మెంట్ ఆఫ్ హోమ్‌లాండ్ సెక్యూరిటీ (డీహెచ్ఎస్)కి చెందిన ఓ సీనియర్ అధికారి మీడియాకు తెలిపారు.
తెలుగు NRI వార్త విశేషాలు సులభముగా తెలుసుకోండి!!!!
ఎన్నారై
టాప్ స్టోరీస్
క్రైమ్ న్యూస్
అవీ...ఇవి
ప్రత్యేకం
