రెండు తెలుగు రాష్ట్రాలలో ఎక్కడ చూసిన పుష్ప2( Pushpa 2 ) హవ కొనసాగుతుంది.త్వరలోనే అల్లు అర్జున్( Allu Arjun ) నటించిన పుష్ప 2 సినిమా ప్రేక్షకుల ముందుకు రాబోతున్న నేపథ్యంలో ఈ సినిమాకు సంబంధించి ఎన్నో వార్తలు సోషల్ మీడియాలో హల్చల్ చేస్తున్నాయి.
ఇక ఈ సినిమా పట్ల ఇప్పటికే భారీ స్థాయిలో అంచనాలు ఏర్పడ్డాయి ఇటీవల సినిమా నుంచి విడుదల చేసిన ట్రైలర్ వీడియో అంచనాలను మరింత పెంచేసింది.ఇక ప్రస్తుతం పుష్ప2 ట్రైలర్ వీడియో సోషల్ మీడియాలో వైరల్ గా మారడంతో ఈ వీడియోని వైసీపీ అభిమానులు మరింత వైరల్ చేస్తూ ఈ సినిమాకి పూర్తి మద్దతు తెలియజేస్తున్నారు.
గత ఎన్నికల సమయంలో అల్లు అర్జున్ వైకాపా పార్టీకి( YCP ) మద్దతు తెలపడంతో మెగా అభిమానులు అలాగే మెగా కుటుంబ సభ్యులు అల్లు అర్జున్ కు ఏ మాత్రం సపోర్ట్ చేయలేదు ఈ క్రమంలోనే వైసీపీ అభిమానులు పుష్ప 2 సినిమాకు పూర్తి మద్దతు తెలుపుతున్నారని తెలుస్తోంది.ఇకపోతే ఇటీవల ట్రైలర్ వీడియో విడుదల చేయగా ఈ ట్రైలర్ వీడియోలో అల్లు అర్జున్ చెప్పిన ఒక డైలాగ్ అలాగే ఇటీవల ప్రెస్ మీట్ కార్యక్రమంలో భాగంగా జగన్మోహన్ రెడ్డి( Jagan Mohan Reddy ) చెప్పిన డైలాగ్ మిక్స్ చేస్తూ ఒక వీడియోని రూపొందించి సోషల్ మీడియాలో వైరల్ చేస్తున్నారు.
ఈ సినిమాలో అల్లు అర్జున్ డైలాగ్ చెబుతూ నాది అనుకున్నది ఏడుకొండల పైనున్న ఏడు సముద్రాల వెనుకున్న సంపాదించుకొని తెచ్చుకోవడమే ఈ పుష్ప గాడి స్టైల్ అంటూ బన్నీ ఓ డైలాగ్ చెబుతారు.అయితే ఈ డైలాగ్ జగన్మోహన్ రెడ్డి చెప్పినదేనని వైసీపీ అభిమానులు ఈ వీడియోని వైరల్ చేస్తున్నారు.ఇటీవల ప్రెస్ మీట్ కార్యక్రమంలో భాగంగా జగన్ పోలీసులకు వార్నింగ్ ఇస్తూ అక్రమంగా వైకాపా కార్యకర్తలను అరెస్టు చేస్తే మా ప్రభుత్వ అధికారంలోకి వచ్చిన తర్వాత పోలీసులు సప్త సముద్రాల వెనుక దాగి ఉన్న పట్టుకొస్తామని వార్నింగ్ ఇచ్చారు.ఇలా ఈ రెండు డైలాగులను మిక్స్ చేస్తూ వైసీపీ ఫ్యాన్స్ ఈ వీడియోని వైరల్ చేస్తున్నారు.
తెలుగు వార్త విశేషాలు సులభముగా తెలుసుకోండి!!!!
సినిమా కబుర్లు
టాప్ స్టోరీస్
క్రైమ్ న్యూస్
అవీ...ఇవి
ప్రత్యేకం
