అల్లు అర్జున్( Allu Arjun ) పుష్ప 2( Pushpa 2 ) సినిమా ద్వారా డిసెంబర్ ఐదో తేదీ పాన్ ఇండియా స్థాయిలో ప్రేక్షకుల ముందుకు రావడానికి సిద్ధమవుతున్నారు.ఈ క్రమంలోనే ప్రమోషన్ కార్యక్రమాలను కూడా మొదలుపెట్టారు.
ఈ సినిమా ప్రమోషన్ కార్యక్రమాలలో భాగంగా అల్లు అర్జున్ బాలకృష్ణ ( Balakrishna ) హోస్టుగా వ్యవహరిస్తున్న అన్ స్టాపబుల్ ( Un Stoppable ) కార్యక్రమానికి హాజరైన సంగతి తెలిసిందే.ఇప్పటికే ఈ ఎపిసోడ్ కి సంబంధించిన మొదటి భాగం పూర్తి కాక తాజాగా రెండో పార్ట్ కి సంబంధించిన ప్రోమోలు సోషల్ మీడియాలో వైరల్ అవుతున్నాయి.
ఈ వీడియోలో భాగంగా బాలకృష్ణ అల్లుఅర్జున్ ని ఉద్దేశించి కొన్ని ప్రశ్నలు అడిగారు.
ఇప్పటికీ నీలో నువ్వు మార్చుకోవాలి అనుకుంటున్నా అంశం ఏదైనా ఉందా అంటూ బాలకృష్ణ అడగడంతో అల్లు అర్జున్ సమాధానం చెబుతూ తొందరగా పడుకొని తొందరగ లేచిపోదాం అనుకుంటున్నాననీ సమాధానం చెప్పడంతో వెంటనే బాలకృష్ణ ఎవరితో లేచిపోదాం అనుకుంటున్నాం అంటూ ఫన్నీగా మాట్లాడారు.
అనంతరం పుష్ప 2 గురించి బాలయ్య మాట్లాడుతూ.పుష్ప 2 సినిమా రిలీజ్ ముందే రూ.1000 కోట్లు ప్రి రిలీజ్ బిజినెస్ జరిగిందట కదా అని అడగడంతో అల్లు అర్జున్ సినిమా గురించి మాట్లాడుతూ కచ్చితంగా పుష్ప 2 సినిమా ఇండస్ట్రీ బిగ్గెస్ట్ హిట్ అవుతుందని ఆశాభావం వ్యక్తం చేశారు.ఇప్పటివరకు మాస్ చూశారు.
ఊర మాస్ చూశారు.కానీ, ఈ సినిమాలో జాతర మాస్ చూస్తారు అంటూ పుష్ప 2 పై భారీ అంచనాలను పెంచేశారు అల్లు అర్జున్.
ఇక ఈ కార్యక్రమంలో దేవి శ్రీ ప్రసాద్ కు బాలకృష్ణ ఫోన్ చేసి సినిమా గురించి అడగడమే కాకుండా బన్నీకి సంబంధించి సీక్రెట్ రివీల్ చేయమని చెప్పారు అయితే దేవి శ్రీ ప్రసాద్ ఏదో చెప్పబోతుండగా వెంటనే బన్నీ నువ్వు ఆపవయ్యా నా సినిమా గురించి మొత్తం చెప్పేసేలాగున్నావు అంటూ ఫోన్ కట్ చేస్తారు.మొత్తానికి వీరి మధ్య ఎంతో సరదా సంభాషణ జరిగిందని తెలుస్తోంది.
ఇక ఈ ఎపిసోడ్ 22వ తేదీ ప్రసారం కానుంది.
తెలుగు వార్త విశేషాలు సులభముగా తెలుసుకోండి!!!!
సినిమా కబుర్లు
టాప్ స్టోరీస్
క్రైమ్ న్యూస్
అవీ...ఇవి
ప్రత్యేకం
