చేసేవి గుడి వెనక పనులు చెప్పేవి వివేకానంద సూక్తులు.. వారికి కౌంటర్ ఇచ్చిన ఆది?

జబర్దస్త్ ( Jabardasth ) కమెడియన్ గా ఎంతో మంచి సక్సెస్ అందుకున్న హైపర్ ఆది ( Hyper Aadi ) తాజాగా మరో జబర్దస్త్ కమెడియన్ రాకింగ్ రాకేష్ ( Rocking Rakesh ) హీరోగా నటించిన కేశవ చంద్ర రామావత్ సినిమా సినిమా ప్రీ రిలీజ్ వేడుకకు ముఖ్యఅతిథిగా హాజరయ్యారు ఈ కార్యక్రమంలో భాగంగా ఈయన జబర్దస్త్ కమెడియన్ల గురించి నెగిటివ్ కామెంట్లు చేసేవారు, అలాగే ట్రోల్ చేసే వారికి తనదైన శైలిలోనే వార్నింగ్ ఇచ్చారు.ఈ సందర్భంగా వేదిక పై ఆది మాట్లాడుతూ.

జబర్దస్త్ కార్యక్రమం ద్వారా ఎంతోమంది సెలబ్రిటీలుగా మారి నేడు ఇండస్ట్రీలో హీరోలుగాను దర్శకులుగాను ఆర్టిస్టులుగాను స్థిరపడ్డారు.

ఇలా జబర్దస్త్ కార్యక్రమం ద్వారా కొన్ని వందల కుటుంబాలు నేడు సంతోషంగా బ్రతుకుతున్నారు.ఇలా ఎంతోమందికి అన్నం పెట్టి ఆదరించిన ఈ కార్యక్రమం గురించి చాలా మంది నెగిటివ్ కామెంట్లు చేస్తున్నారు.అలాగే హేళనగా మాట్లాడుతున్నారు.

డబుల్ మీనింగ్ డైలాగులతో కామెంట్లు చేస్తున్నారు.ఇలా మీరెవరూ చూడకుండానే యానిమల్ సినిమాకు 700 కోట్లు వచ్చాయా? చేసేవి గుడి వెనక పనులు చెప్పేవి ఏమో వివేకానంద సూక్తులు.ఈ జబర్దస్త్ మీద పడి ఏడ్చేవాళ్లకు ఒకటే చెబుతున్నాను.

ఈ వేదిక పైన ఉన్న వారందరికీ ఇక్కడకి వచ్చే అర్హత ఊరికే రాలేదు.వాచ్ మెన్ తోసేస్తే కిందపడి, భోజనం చేస్తుంటే ప్లేట్ లాక్కున్న దగ్గర్నుంచి, వర్క్ చేస్తే డబ్బులు ఇవ్వకపోయినా అన్ని భరించి ఎదిగిన వాళ్ళు.కాబట్టి మీరు నెగిటివ్ కామెంట్ చేసేముందు ఒక్కసారి ఆలోచించండి ఇంత చెప్పినా కూడా జబర్దస్త్ గురించి నెగిటివ్ కామెంట్లు చేస్తే నా గడ్డం, జుట్టులో రెండు వెంట్రుకలు ఊడాయనుకుంటాను.

మీకు నవ్వించడం ఈజీ అనిపిస్తే మీరు మల్లెమాల ఆఫీస్ కి రండి స్వయంగా నేనే ఆడిషన్ చేయించి ఛాన్స్ ఇప్పిస్తాను అంటూ హైపర్ ఆది ఈ సందర్భంగా చేసిన వ్యాఖ్యలు వైరల్ అవుతున్నాయి.