ప్రస్తుతం హైదరాబాద్‌కు(Hyderabad) చెందిన ఓ ముత్యాల వ్యాపారి (pearl merchant)వీడియో సోషల్ మీడియాలో తెగ వైరల్ అవుతోంది.“అత్యంత నిజాయితీపరుడు” అంటూ నెటిజన్లు కామెంట్ల వర్షం కురిపిస్తున్నారు.అసలు విషయం ఏంటంటే, స్కాట్లాండ్ నుంచి వచ్చిన ఓ టూరిస్ట్‌తో ఈ వ్యాపారి జరిపిన సంభాషణ అందరినీ ఫిదా చేస్తోంది.వ్యాపారిలోని నిజాయితీ, అతని భాషా నైపుణ్యాలు చూసి నెటిజన్లు షాక్ అవుతున్నారు.
హైదరాబాద్ వీధుల్లో జరిగిన ఈ ఘటనలో, ముత్యాల నెక్లెస్‌లను టూరిస్ట్‌కు చూపిస్తూ వాటి గురించి వివరిస్తున్నాడు వ్యాపారి.“ఇవి ఒరిజినల్ ముత్యాలా?” అని టూరిస్ట్ అడిగితే, “కాదు బాస్, ఇవి హైదరాబాద్ కల్చర్‌లో(Hyderabad culture) భాగం” అని నిజం చెప్పేస్తాడు.అంతేకాదు, వాటి క్వాలిటీ చూపించడానికి ఓ ముత్యాన్ని నిప్పంటించి అది కరగదని నిరూపిస్తాడు.“ప్లాస్టిక్ కంటే బెటర్ క్వాలిటీ” అని నమ్మకంగా చెబుతాడు.నెక్లెస్ ధర కేవలం రూ.150 అని చెప్పడంతో టూరిస్ట్ ఆశ్చర్యపోతాడు.ఇంత తక్కువ ధరకా అని షాక్ అవుతాడు.
ఇక్కడే అసలు ట్విస్ట్ ఉంది.
వ్యాపారి ఇంగ్లీషులో అనర్గళంగా మాట్లాడతాడు.టూరిస్ట్‌తో ఫుల్ కాన్ఫిడెన్స్‌తో మాట్లాడుతూ, “మీరు ఎక్కడి నుండి వచ్చారు?” అని అడుగుతాడు. “స్కాట్లాండ్” (Scotland)అని వినగానే, “ఓహ్, యూకే!” అంటూ రియాక్ట్ అవుతాడు.ఆ తర్వాత ఫ్రెంచ్ భాషలో మాట్లాడి టూరిస్ట్‌తో పాటు నెటిజన్లను కూడా ఆశ్చర్యంలో ముంచెత్తుతాడు.
టూరిస్ట్‌తో మాట్లాడుతున్నప్పుడు, కళ్లజోళ్లు అమ్మే మరో వ్యక్తి వచ్చి ఒక కూలింగ్ గ్లాస్ రూ.1000 అని చెబుతాడు.దాంతో టూరిస్ట్ “అబ్బా, ఇంత రేటా?” అని షాక్ అవుతాడు.అప్పుడు ముత్యాల వ్యాపారి నవ్వుతూ “అది టూరిస్ట్ ప్రైస్ బ్రో” అని పంచ్ వేస్తాడు.
దాంతో టూరిస్ట్ ఫుల్ ఖుషీ అయిపోతాడు.వ్యాపారి నిజాయితీకి ఫిదా అయి “సూపర్ హానెస్ట్” అని పొగిడేస్తాడు.
ఈ వీడియోకి ఇప్పటికే 6.7 మిలియన్ వ్యూస్, 2,35,000 లైక్స్ వచ్చాయి.సోషల్ మీడియాలో ఈ వీడియోను చూసిన వాళ్లంతా వ్యాపారి టాలెంట్‌కి, నిజాయితీకి జై కొడుతున్నారు.“ఇంత నిజాయితీగా ఉన్నందుకు అతనికి ఏదైనా గిఫ్ట్ ఇవ్వాలి” అని ఒక యూజర్ కామెంట్ చేస్తే, ఇంకొకరు “అంకుల్ ఫ్రెంచ్ కూడా మాట్లాడతాడు, ఇండియన్స్ అంటే తక్కువ అంచనా వేయకూడదు” అని కామెంట్ చేశారు.ఈ వీడియో నెటిజన్లను విపరీతంగా ఆకట్టుకుంటోంది.వ్యాపారి టైమింగ్ సెన్స్, నిజాయితీ, భాషా నైపుణ్యాలు అందరినీ ఇంప్రెస్ చేస్తున్నాయి.ఇలాంటి వీడియోలు వైరల్ అవ్వడం చాలా హ్యాపీగా ఉందని నెటిజన్లు అంటున్నారు.
