ముంబైకి చెందిన హమీదా బానూ దుబాయ్(Hamida Banu Dubai) కలలు వెళ్లాలనుకొని చివరికి ఊహించని ప్రమాదంలో పడింది.2000 సంవత్సరంలో ఓ మోసగాడు దుబాయ్‌లో ఉద్యోగం ఇప్పిస్తానని నమ్మించి, ఆమెను పాకిస్తాన్‌కు అమ్మేశాడు.20 వేల రూపాయలు తీసుకొని, నట్టేట ముంచాడు.ఆ తర్వాత ఆమె జీవితం నరకానికి నమూనాగా మారింది.
పాకిస్థాన్‌లోని హైదరాబాద్‌లో(Hyderabad, Pakistan) మూడు నెలలు బందీ చేశారు.ఆ తర్వాత కరాచీలో ఓ వీధి వ్యాపారితో బలవంతంగా పెళ్లి చేశారు.
కుటుంబానికి దూరమై, భాష తెలియక, దిక్కుతోచని స్థితిలో ఆమె ఎన్నో కష్టాలు పడింది.భర్త కూడా కోవిడ్ మహమ్మారికి బలైపోవడంతో ఆమె ఒంటరిదైపోయింది.
కానీ, ఆశ చావలేదు! 2022లో వలీవుల్లా మరూఫ్ అనే పాకిస్తానీ(Pakistan) సోషల్ మీడియా యాక్టివిస్ట్ ద్వారా హమీదా తన గోడు వెళ్లబోసుకుంది.ఆ వీడియో సోషల్ మీడియాలో వైరల్ అయింది.
భారతీయ జర్నలిస్ట్ ఖల్ఫాన్ షేక్ (Indian journalist Khalfan Sheikh)చొరవతో ఈ విషయం వెలుగులోకి వచ్చింది.పాక్‌లో హమీదా కష్టాలు పడుతున్న వీడియోను భారతదేశంలో ఉన్న ఆమె మనవడు చూసి కుటుంబ సభ్యులకు తెలియజేశాడు.
వెంటనే జర్నలిస్ట్ షేక్, సోషల్ మీడియా కార్యకర్త మరూఫ్ సహాయంతో హమీదా, ఆమె కుటుంబ సభ్యుల మధ్య వీడియో కాల్ ఏర్పాటు చేశారు.
ఆ వీడియో కాల్‌లో హమీదా కూతురు యాస్మిన్ ఎంతో ఆవేదనతో “అమ్మా, ఎలా ఉన్నావు? ఇన్ని రోజులు ఎక్కడ ఉన్నావు?” అని అడిగింది.దానికి హమీదా కన్నీళ్లతో “నేను మిమ్మల్ని ఎంతగానో మిస్ అయ్యాను.నా ఇష్టపూర్వకంగా ఇక్కడ ఉండలేదు” అని సమాధానమిచ్చింది.
ఆ మాటలు విన్న కుటుంబ సభ్యుల హృదయాలు బరువెక్కాయి.
భారతీయ రాయబార కార్యాలయం క్షుణ్ణంగా విచారణ జరిపి హమీదా భారతీయ పౌరురాలని నిర్ధారించింది.చివరకు 2024, డిసెంబర్‌లో హమీదా తన స్వదేశానికి తిరిగి వచ్చింది.ఇన్నేళ్ల తర్వాత తన కుటుంబంతో కలుసుకోవడంతో ఆమె సంతోషానికి అవధుల్లేవు.
అయితే, తాను ఎవరికీ భారం కాకూడదని ఆమె చెప్పడం అందరినీ కలిచివేసింది.ఈ కథ సరిహద్దులు దాటి ప్రేమికులను కలపడంలో సోషల్ మీడియా శక్తిని చాటి చెబుతోంది.డిజిటల్ మీడియా ఒక వరం అని మరోసారి రుజువైంది.https://youtu.be/CFfX-5qovgc?si=runTPiZ5jOS9ssud లింక్ మీద క్లిక్ చేసి ఆమె వీడియో చూడవచ్చు.
తెలుగు NRI వార్త విశేషాలు సులభముగా తెలుసుకోండి!!!!
ఎన్నారై
టాప్ స్టోరీస్
క్రైమ్ న్యూస్
అవీ...ఇవి
ప్రత్యేకం
