ఒక సినిమా విజయం నిర్మాతకు కీలకం అనే విషయం తెలిసిందే.ఎందుకంటే లాస్ వస్తే నిర్మాత మీదనే భారం పడుతుంది.
ఎంతో వ్యయం పెట్టి భారీ స్థాయిలో నిర్మించిన సినిమా అపజయం పాలయితే ఆ నిర్మాత కోలుకోవడం కష్టం అనే చెప్పాలి.మరి అలాంటి నిర్మాతకు విజయం వస్తే ఎంత ఆనందంగా ఉంటుందో ప్రత్యేకంగా చెప్పాల్సిన పని లేదు.
మరి అలాంటి విజయమే ఇప్పుడు నిర్మాత సుధాకర్ చెరుకూరికి లభించింది.నాచురల్ స్టార్ నాని హీరోగా మహానటి కీర్తి సురేష్ (Keerthy Suresh) హీరోయిన్ గా సుకుమార్ శిష్యుడు శ్రీకాంత్ ఓదెల దర్శకత్వంలో తెరకెక్కిన లేటెస్ట్ రా అండ్ విలేజ్ డ్రామా ”దసరా”(Dasara).
శ్రీ లక్ష్మి వెంకటేశ్వర క్రియేషన్స్ బ్యానర్ పై సుధాకర్ చెరుకూరి నిర్మించిన ఈ సినిమా మార్చి 30న రిలీజ్ అయ్యి బ్లాక్ బస్టర్ విజయం సాధించిన విషయం తెలిసిందే.
సంతోష్ నారాయణన్ సంగీతం ఈ సినిమా ఎన్నో అంచనాల మధ్య గ్రాండ్ గా రిలీజ్ అయ్యి ఇంతటి విజయాన్ని సాధించడంతో మేకర్స్ అంతా ఫుల్ ఖుషీగా ఉన్నారు.ఇక నిర్మాత సుధాకర్ చెరుకూరి ఆనందం గురించి అయితే చెప్పాల్సిన పని లేదు.ఈయన ఈ సినిమా విజయాన్ని అందరి కంటే ఎక్కువ ఆస్వాదిస్తున్నాడు.
భారీ సక్సెస్ కొట్టడంతో అందరికి భారీ బహుమతులను అందిస్తున్నాడు.
ఇప్పటికే డైరెక్టర్ శ్రీకాంత్ ఓదెల (Srikanth Odela) కు 80 లక్షల విలువైన కారును బహుమతిగా ఇచ్చాడు.ఇక ఇప్పుడు టీమ్ సభ్యులందరికి బంగారు నాణాలు బహుమతిగా అందించారు.ఇలా ఈయన ఆనందంలో అందరికి బహుమతులు ఇవ్వడం ఇప్పుడు నెట్టింట వైరల్ అయ్యింది.
ఎంతో కష్టంతో సక్సెస్ కొట్టిన టీమ్ కు సుధాకర్ చెరుకూరి బంగారు నాణేలు బహుమతులుగా ఇవ్వడంపై సినీ ప్రముఖులు, ప్రేక్షకులు కూడా ప్రశంసలు కురిపిస్తున్నారు.
