చిరు నాగ్ వెంకీలలో బాలయ్యకు ఇష్టమైన హీరో ఎవరో తెలుసా?

నందమూరి నట సింహం బాలకృష్ణ (Balakrishna) ప్రస్తుతం కెరియర్ పరంగా ఎంతో బిజీగా ఉన్నారు.ఈయన కేవలం ఇండస్ట్రీలో హీరోగా కొనసాగడం మాత్రమే కాకుండా వ్యాఖ్యాతగా కూడా ఎంతో మంచి సక్సెస్ అందుకున్నారు.

ప్రస్తుతం నటుడిగా వరుస సినిమాలలో నటిస్తూ ఎంతో బిజీగా ఉన్న బాలకృష్ణ ఇటీవల ఓ అవార్డు వేడుకలలో పాల్గొన్నారు.ఈ కార్యక్రమంలో భాగంగా తెలుగు ఇండస్ట్రీలో తన కో స్టార్స్  అయిన వెంకటేష్, చిరంజీవి, నాగార్జున గురించి ఆసక్తికరమైన విషయాలు తెలిపారు.

ఈ అవార్డు వేడుకలో భాగంగా బాలీవుడ్ నిర్మాత, నటుడు కరణ్ జోహార్(Karan Johar) బాలయ్యను ఆసక్తికరమైన ప్రశ్న అడిగారు.

ఈ కార్యక్రమంలో భాగంగా బాలకృష్ణను కరణ్ జోహార్(Karan Johar) ప్రశ్నిస్తూ టాలీవుడ్ ఇండస్ట్రీలో స్టార్ హీరోలైన నాగార్జున వెంకటేష్ చిరంజీవి(Nagarjuna, Venkatesh ,Chiranjeevi) ఈ ముగ్గురిలో నీకు ఇష్టమైన హీరో ఎవరు అనే ప్రశ్న వేశారు.ఈ ప్రశ్నకు బాలకృష్ణ చెప్పిన సమాధానం అందరిని ఆశ్చర్యానికి గురిచేస్తోంది.బాలకృష్ణ తనకి ఇష్టమైన హీరో పేరు చెప్పకుండా వెంటనే మరి సల్మాన్, షారుక్, అమితాబ్ లో మీకు ఎవరు ఇష్టం అంటూ కరణ్ కు చమత్కారంగా కౌంటర్ ఇచ్చారు.

దీంతో అందరు సరదాగా నవ్వుకున్నారు.

ప్రస్తుతం ఈ వీడియో సోషల్ మీడియాలో వైరల్ గా మారడంతో పలువురు నెటిజన్స్ బాలయ్య టైమింగ్ మామూలుగా ఉండదు కదా అంటూ కామెంట్లు చేస్తున్నారు.ఇక బాలకృష్ణ సినిమాల విషయానికొస్తే ఈయన గత ఏడాది అనిల్ రావిపూడి దర్శకత్వంలో భగవంత్ కేసరి అనే సినిమా ద్వారా ప్రేక్షకుల ముందుకు వచ్చారు.ప్రస్తుతం ఈయన బాబీ(Bobby )డైరెక్షన్లో సినిమా చేస్తున్నారు.

ఈ సినిమా వచ్చేయేడాది సంక్రాంతికి విడుదల చేయాలని మేకర్స్ భావిస్తున్నట్లు తెలుస్తోంది.ఇక ఈ సినిమా NBK 109 అనే వర్కింగ్ టైటిల్ తో షూటింగ్ పనులను జరుపుకుంటుంది.