అక్కినేని కుటుంబం మొత్తం కలిసి నటించిన సినిమా మనం ఈ సినిమా డైరెక్టర్ విక్రమ్ కే కుమార్.అయితే ఈ సినిమా కి డైరెక్టర్ ఆయనే అయినప్పటికీ ఈ సినిమా రైటర్ మాత్రం హర్షవర్ధన్ గారు ఆయన అమృతం సీరియల్లో నటించి గుర్తింపు తెచ్చుకున్నాడు అలాగే చాలా సినిమాల్లో మంచి పాత్రల్లో నటించి మెప్పించాడు.
విక్రమ్ కే కుమార్ మనం కంటే ముందు చేసిన ఇష్క్ సినిమా రైటర్ కూడా హర్షవర్ధన్ గారే కావడం విశేషం…అయితే హర్షవర్ధన్ ఈ సినిమాకి డైలాగ్స్, స్క్రీన్ ప్లే రాశారు.ఈ సినిమా మంచి విజయం సాధించడం తో విక్రమ్ తన నెక్స్ట్ సినిమా అయిన మనం కి కూడా రైటర్ గా హర్షవర్ధన్ గారినే తీసుకున్నారు.
మొదట నాగార్జున ఇది చాలా ప్రస్టేజీయస్ గా తెరకెక్కుతున్న సినిమా కాబట్టి దీనికి ఒక పెద్ద రైటర్ ని తీసుకుందాం అని చెప్పినప్పటికీ డైరెక్టర్ విక్రమ్ కే కుమార్ ఉండి హర్షవర్ధన్ కొన్ని సీన్స్ రాస్తారు అది మీకు నచ్చితే మనం ఆయనతోనే కంటిన్యూ అవుదాం లేకపోతే వేరే వాళ్ళని తీసుకుందాం
అని చెప్పారట దాంతో హర్షవర్ధన్ ఒక 3 సీన్లకి డైలాగ్స్ రాసి నాగార్జున గారికి చెప్పడం తో అవి ఆయనకి బాగా నచ్చాయి.ఇక అప్పుడు హర్షవర్ధన్ గారినే రైటర్ గా తీసుకున్నారు.అలా ఈ సినిమా చాలా అంచనాల తో తెరకెక్కి మంచి విజయం అందుకుంది.ఈ సినిమాలో అక్కినేని 3 జనరేషన్ హీరోలు కనిపించడం ఒక ఎత్తు అయితే నాగేశ్వర రావు గారికి కూడా ఇది చివరి సినిమా గా ఒక మంచి జ్ఞాపకం గా మిగిలిపోయిందని చెప్పాలి…
.
