టాలీవుడ్ సీనియర్ హీరో అక్కినేని నాగార్జున ఈ ఏడాది బంగార్రాజు చిత్రంతో మంచి విజయాన్ని తన ఖాతాలో వేసుకున్నారు.ఇక ఈ సినిమా బాక్సాఫీస్ వద్ద మంచి విజయాన్ని అందుకోవడంతో నాగార్జున తన తదుపరి చిత్రం ప్రవీణ్ సత్తారు దర్శకత్వంలో ది ఘోస్ట్ చిత్రంలో నటిస్తున్నారు.
ప్రస్తుతం ఈ సినిమా దుబాయ్ లో చిత్రీకరణ జరుపుకుంటుంది.అయితే దాదాపు కొంత కాలం నుంచి ఈ సినిమాకు సంబంధించి ఎలాంటి అప్డేట్స్ ఇవ్వలేదు.
ఈ క్రమంలోనే చాలా రోజుల తర్వాత చిత్ర బృందం ఈ సినిమా నుంచి అప్డేట్ విడుదల చేశారు.చిత్ర బృందం దుబాయ్ లో అందమైన లొకేషన్లలో చిత్రీకరణ జరుపుకుంటున్న ఫోటోలను సోషల్ మీడియా వేదికగా పోస్ట్ చేశారు.
ప్రస్తుతం ఈ ఫోటోలు సోషల్ మీడియాలో వైరల్ గా మారాయి.ఇక ఈ సినిమాలో నాగార్జున గ్లామర్ లుక్ లో కూడా కనిపించనున్నట్లు తెలుస్తోంది.ఇకపోతే ఈ సినిమాలో హీరోయిన్ పాత్రలో నటిస్తున్న సోనాల్ చౌహాన్ తన గ్లామరస్ ఫోటోలు షేర్ చేస్తూ అభిమానులను సందడి చేస్తోంది.
ఇకపోతే ఈ సినిమాలో నాగార్జున సరసన కాజల్ అగర్వాల్ హీరోయిన్ గా నటించాల్సి ఉండగా ప్రెగ్నెన్సీ కారణంగా ఈ సినిమా నుంచి తప్పుకున్నారు.
ఇక కాజల్ తర్వాత అమలాపాల్ పేరు తెరపైకి వచ్చింది.చివరికి ఈ సినిమాలో నటించే అవకాశాన్ని నటి సోనాల్ చౌహాన్ దక్కించుకున్నారు.ఇలా ఉన్నఫలంగా ఆ హీరోయిన్ పాత్రలో సోనాల్ చౌహాన్ ను రిప్లై చేయడం వెనుక కారణం తనకు తెలియదంటూనే ఈ ముద్దుగుమ్మ ఈ సినిమాకు సంబంధించిన ఫోటోలను సోషల్ మీడియాలో షేర్ చేస్తూ పెద్దఎత్తున ప్రమోషన్ కార్యక్రమాలను నిర్వహిస్తున్నారు.ప్రస్తుతం సోనాల్ షేర్ చేసిన ఈ ఫోటో సోషల్ మీడియాలో వైరల్ గా మారింది.
