నాయిస్ కంపెనీ భారతదేశంలో తన కలర్ ఫిట్ ఐకాన్ 3 స్మార్ట్ వాచ్( ColorFit Icon 3 )ను అందుబాటులోకి తీసుకొచ్చింది.ప్రస్తుతం యువత అంతా స్మార్ట్ వాచలను ధరిస్తున్నారు.
ఫ్యాషన్ తో పాటు ఆరోగ్యానికి అవసరమైన విధంగా ఇవి ఉపయోగ పడుతుండడంతో పెద్దలు కూడా వీటిని వాడుతున్నారు.అయితే చాలా స్మార్ట్ వాచ్‌ల ధరలు ఆకాశాన్ని అంటుతున్నాయి.ఈ తరుణంలో అత్యాధునిక ఫీచర్లతో, కేవలం రూ.2 వేల ధరలోనే నాయిస్ కంపెనీ తన కలర్ ఫిట్ ఐకాన్ 3 స్మార్ట్ వాచ్‌ను అందిస్తోంది.దీనిని ఫ్లిప్‌కార్ట్ లేదా నాయిస్ ఇ-స్టోర్ నుండి కొనుగోలు చేయవచ్చు.
నాయిస్ అనేది భారతదేశానికి చెందిన స్వదేశీ బ్రాండ్.ఇది బోట్, ఫైర్-బోల్ట్ మరియు మరిన్ని కంపెనీలకు పోటీగా ఉంది.నాయిస్ భారతదేశంలో నాయిస్ కలర్ ఫిట్ ఐకాన్ 3 స్మార్ట్ వాచ్‌ను విడుదల చేసింది.ఈ స్మార్ట్ వాచ్ పెద్ద డిస్‌ప్లేను కలిగి ఉంది.ఇది బ్లూటూత్ కాలింగ్‌కు సపోర్ట్ చేస్తుంది.ఆరు విభిన్న రంగుల ఎంపికలలో కస్టమర్లు ఈ వాచ్‌ను కొనుగోలు చేసుకోవచ్చు.మాట్ గోల్డ్, రోజ్ మావ్, స్పేస్ బ్లూ, మిడ్‌నైట్ గోల్డ్, కామ్ బ్లూ, జెట్ బ్లాక్ రంగులలో ఇది లభిస్తుంది.240 x 296 పిక్సెల్‌ల రిజల్యూషన్‌తో 1.91 అంగుళాల TFT డిస్‌ప్లేను కలిగి ఉంది.డయల్-ప్యాడ్ నుండి కాల్ చేయొచ్చు.
Noise వాచ్‌లోని Health Suite ఆరోగ్యానికి సంబంధించిన ఫంక్షన్‌ల సంఖ్యను ట్రాక్ చేయగలదు.
హృదయ స్పందన ట్రాకింగ్, SpO2, నిద్ర పర్యవేక్షణ, స్ట్రెస్ మెజర్‌మెంట్, బ్రీత్ ప్రాక్టీస్, మహిళల సైకిల్ ట్రాక్‌లకు మద్దతు అందిస్తుంది.వాచ్ 100+ కంటే ఎక్కువ స్పోర్ట్స్ మోడ్‌లకు కూడా సపోర్ట్ ఇస్తుంది.అవుట్‌డోర్‌లో ఉపయోగించడానికి వీలుగా IP67 వాటర్-రెసిస్టెంట్ రేటింగ్‌తో కంపెనీ వాచ్‌ను తయారు చేశారు.
వాయిస్ అసిస్టెంట్‌కు నాయిస్ సపోర్ట్ అందిస్తుంది.యాపిల్ సిరి, గూగుల్ అసిస్టెంట్‌కు ఈ వాచ్ సపోర్ట్ చేస్తుందని కంపెనీ తెలిపింది.
ఇందులో అమర్చిన 240 mAh బ్యాటరీ ఏడు రోజుల ఛార్జింగ్ టైమ్ ఇస్తుంది.
తెలుగు వార్త విశేషాలు సులభముగా తెలుసుకోండి!!!!
అవీ...ఇవి
టాప్ స్టోరీస్
క్రైమ్ న్యూస్
అవీ...ఇవి
ప్రత్యేకం
