కొరటాల-ప్రభాస్ కాంబోలో మరో మూవీ.. ఈ టైమ్‌లో ఫ్యాన్స్‌కి ఓకేనా..?

నిజానికి “మిర్చి” సినిమా తర్వాత ప్రభాస్ తో కలిసి ఒక సినిమా చేద్దామని కొరటాల శివ ప్లాన్ చేశాడట.మిర్చి మూవీ అనంతరం ప్రభాస్ వెంటనే రాజమౌళి “బాహుబలి” సినిమా( Baahubali ) కోసం డేట్స్ ఇచ్చాడు.రెండు నెలపాటు బాహుబలి కోసమే టైమ్‌ కేటాయించాడు.2015లో బాహుబలి సినిమా వచ్చింది.దాని తర్వాత వెంటనే ఈ మూవీ పార్ట్ 2తో ఈ యంగ్ రెబల్ స్టార్ చాలా బిజీ అయిపోయాడు.ప్రభాస్‌కి 2017 దాకా బాహుబలి సినిమా చేయడమే సరిపోయింది.

తర్వాత సాహో, రాధేశ్యామ్, ఆది పురుష్‌, సలార్‌ సినిమాలతో ఇంకా బిజీ అయిపోయాడు.అయితే ఆచార్య సినిమా తీసిన తర్వాత ప్రభాస్ ఖాళీగా ఉన్న ఒకరోజు అతన్ని కలిశారు కొరటాల శివ.ఎలాంటి సినిమా చేద్దాము? అనే విషయంపై చాలా సేపు చర్చించారట కూడా.ఈ విషయం తాజాగా వెలుగులోకి వచ్చింది.

అప్పటినుంచి వీరిద్దరూ కలిసి మరో సినిమా చేస్తే అది మిర్చి రేంజ్ లో ఉంటుందా, మంచి హిట్ అవుతుందా అని ప్రభాస్ అభిమానులు చర్చ మొదలుపెట్టారు.

కొరటాల శివ రీసెంట్ రిలీజ్ దేవర( Devara ) భారీగానే కలెక్షన్స్ వసూలు చేస్తోంది కానీ ఈ మూవీ కథ, దర్శకత్వం సరిగా లేదని కొంతమంది విమర్శిస్తున్నారు.ఆయన దగ్గర స్టఫ్ అయిపోయిందని కూడా అంటున్నారు.ఈ క్రమంలో ప్రభాస్ కొరటాల శివతో సినిమా చేయడానికి సాహసిస్తాడా? అభిమానులు కొరటాల శివని పూర్తిగా నమ్మగలరా? అనేది ఆసక్తికర అంశంగా మారింది.