తెలంగాణ రాష్ట్ర రాజధాని అయినటువంటి హైదరాబాద్ నగరంలో రోజుకో అత్యాచార ఘటన వెలుగు చూస్తోంది.తాజాగా కూలి పనులు చేసుకుని జీవనం సాగిస్తున్న ఇద్దరు దంపతుల మైనర్ బాలికను పక్కనే నివాసం ఉన్నటువంటి ఓ కీచక వ్యక్తి పది రోజులు పాటు వరుసగా ఆమెపై అత్యాచారానికి పాల్పడుతున్న అటువంటి ఘటన హైదరాబాద్ నగరంలోని పంజాగుట్ట పోలీస్ స్టేషన్ పరిధిలో చోటు చేసుకుంది.
వివరాల్లోకి వెళితే తెలంగాణలోని ఓ చిన్న గ్రామం నుంచి వచ్చినటువంటి ఓ వ్యక్తి తన భార్య కూతురితో హైదరాబాదు నగరంలోని పంజాగుట్ట పోలీస్ స్టేషన్ పరిధిలో నివాసం ఉంటున్నారు.అయితే ఈ క్రమంలో ఈ వ్యక్తి భార్య స్థానికంగా ఉన్నటువంటి పలు ఇళ్లలో పనిచేస్తూ ఉండేది.
అయితే ఈ వ్యక్తి కూడా పాల వ్యాపారంతో పాటు చిరు వ్యాపారాలు చేస్తూ కుటుంబాన్ని నెట్టుకొస్తున్నాడు.అయితే తాజాగా భార్యాభర్తలు ఇద్దరూ పని నిమిత్తమై బయటకు వెళ్ళగా మైనర్ బాలిక ఒక్కతే ఇంట్లో ఉంది.
అయితే ఆమె పై కన్నేసిన టువంటి జహంగీర్ అనే వ్యక్తి వారు బయటికి వెళ్లిన విషయం గమనించాడు.దీంతో వారు రోజు పని నిమిత్తం బయటకు వెళుతుండగా ఆ సమయంలో జహంగీర్ ఇంట్లో దూరి మైనర్ బాలికపై అత్యాచారం చేసేవాడు.
ఈ విషయం గురించి ఎవరికైనా చెబితే తన తల్లిదండ్రులని చంపేస్తానని బెదిరించాడు.దీంతో బాలిక ఈ విషయం గురించి ఎవరికీ చెప్పకుండా తనలోనే తాను కుమిలిపోతూ బాధ పడుతూ ఉండేది.
అయితే తాజాగా నిన్నటి రోజున మరోసారి అత్యాచారానికి పాల్పడగా బాలిక తీవ్ర భయబ్రాంతులకు గురి అవుతూ నీరసించిపోయింది.దీంతో పని ముగించుకొని ఇంటికి వచ్చినటువంటి బాలిక తల్లిదండ్రులు ఏమైందని విచారించగా బాలిక చెప్పినటువంటి విషయాలను తెలుసుకున్న తల్లిదండ్రులు ఒక్కసారిగా ఖంగుతిన్నారు.దీంతో వెంటనే దగ్గరలో ఉన్నటువంటి పోలీస్ స్టేషన్ కి వెళ్లి బాలికపై అత్యాచారానికి పాల్పడుతూ నటువంటి నిందితుడు జహంగీర్ పై ఫిర్యాదు నమోదు చేశారు.అయితే అప్పటికే ఈ విషయం తెలుసుకున్నటువంటి జహంగీర్ పరారీలో ఉన్నాడు.
దీంతో బాధితురాలి తల్లిదండ్రులు తెలిపిన వివరాల ప్రకారం కేసు నమోదు చేసుకున్న పోలీసులు నిందితుడి కోసం గాలింపు చర్యలు చేపట్టారు.
తెలుగు వార్త విశేషాలు సులభముగా తెలుసుకోండి!!!!
