భార్య మరణానికి కారణమైన యూఎస్ బోట్‌ కెప్టెన్‌పై కేసు వేసిన తెలుగు ఎన్నారై..

గతేడాది, ఆంధ్రప్రదేశ్‌కి చెందిన శ్రీనివాసరావు అలపర్తి, ( Srinivasrao Alaparthi ) అతని భార్య సుప్రజ,( Supraja Alaparthi ) వారి 10 ఏళ్ల కుమారుడు, 9 ఏళ్ల మేనల్లుడు కలిసి ఫ్లోరిడా కీస్‌లో( Florida Keys ) విహారయాత్రకు వెళ్లారు.వారు పారాసెయిలింగ్‌కు( Parasailing ) వెళ్లాలని నిర్ణయించుకున్నారు.

పారాసెయిలింగ్ అంటే పారాచూట్‌కు జత చేసి ప్రజల్ని గాలిలోకి విసిరేసే ఒక ఫన్ యాక్టివిటీ.అయితే, శ్రీనివాసరావు కుటుంబం పారాసెయిలింగ్ చేస్తుండగా ఒక్కసారిగా వాతావరణం ప్రతికూలంగా మారింది.

డేనియల్ కౌచ్( Daniel Couch ) అనే బోట్ కెప్టెన్, వాటిని కిందకు తీసుకురావడానికి పడవ నుంచి పారాసెయిల్‌ను డిస్‌కనెక్ట్ చేయాలని నిర్ణయించుకున్నాడు.దురదృష్టవశాత్తు, కెప్టెన్ ఇలా చేయడం వల్ల సుప్రజ, పిల్లలు కాంక్రీట్ వంతెనను బలంగా గుద్దుకున్నారు.

ఈ ప్రమాదంలో సుప్రజ మృతి చెందగా, చిన్నారులు తీవ్రంగా గాయపడ్డారు.శ్రీనివాసరావు అలపర్తి ఇప్పుడు పడవ కెప్టెన్, అతని మొదటి సహచరుడు, కెప్టెన్ పిప్స్ మెరీనా హైడ్‌వే అనే రిసార్ట్‌పై నిర్లక్ష్యంపై కేసు ఫైల్ చేశారు.వీరి నిర్లక్ష్యమే అన్యాయంగా తమ భార్య ప్రాణాలను బలిగొన్నదని ఆయన కంటితడి పెట్టుకున్నారు.పడవ సిబ్బంది వాతావరణ సూచనను చెక్ చేయలేదని, రాబోయే తుఫాను గురించి హెచ్చరించలేదని అలపర్తి ఆరోపించారు.

సుప్రజను కాపాడేందుకు వారు యూఎస్ కోస్ట్ గార్డ్ నుంచి సహాయం కోసం కాల్ చేయలేదని, ఇంకా, వారి వద్ద లైఫ్ జాకెట్లు వంటి తగినంత భద్రతా పరికరాలు లేవని అన్నారు.వారు నియంత్రణ కోల్పోయిన తర్వాత పారాసెయిల్‌ను తప్పుగా హ్యాండిల్ చేశారని శ్రీనివాసరావు ఆరోపించారు.గత ఏడాది సెప్టెంబరులో, బోట్ కెప్టెన్ డేనియల్ కౌచ్ పై నరహత్య, బోటింగ్ ఉల్లంఘనలకు పాల్పడ్డాడని కేసులు నమోదు చేశారు.అయితే అతను తాను నిర్దోషినని తెలిపాడు.

కౌచ్ పారాసెయిల్‌పై నియంత్రణ కోల్పోయి, కత్తితో టౌలైన్‌ను కత్తిరించిందని, దీనివల్ల కుటుంబం గాలి నుంచి పడిపోయిందని దర్యాప్తులో తేలింది.పారాసైల్ కూడా గాలితో ఎగురుతూనే ఉంది.

ముగ్గురు ప్రయాణికులను అది రెండు మైళ్ల దూరం లాగింది.పిల్లలు వారి శారీరక గాయాల నుండి ఇంకా కోలుకుంటున్నారు.