భారత్, బ్రెజిల్‌లతో వాణిజ్య నిబంధనలు కఠినతరం.. ట్రంప్ ప్రచార బృందం అజెండా

అయితే సుంకాలను పెంచడం వల్ల ద్రవ్యోల్బణం కూడా పెరుగుతుందని వ్యాపార సంఘాలు ఆందోళన వ్యక్తం చేస్తున్నాయి.ఇది అమెరికాలో తయారీని దెబ్బ తీస్తుందని.తద్వారా ఇతర దేశాలు కూడా తమ టారీఫ్‌లను పెంచడానికి కారణమవుతుందని యూఎస్ ఛాంబర్ ఆఫ్ కామర్స్‌లో అంతర్జాతీయ వ్యవహారాల సీనియర్ వైస్ ప్రెసిడెంట్ జాన్ మార్ఫీ పేర్కొన్నారు.

ప్రస్తుతం అమెరికా ఎగుమతులు 3 ట్రిలియన్ డాలర్ల స్థాయిలో వున్నాయని ఆయన చెప్పారు.ముఖ్యంగా USలోకి ప్రవేశించే వస్తువులు, సేవలపై ప్రతి మలుపులోనూ చర్చలు జరపాలన్న ట్రంప్ కోరికకు ఇది కొనసాగింపు అని విశ్లేషకులు అంటున్నారు.

కొద్దిరోజుల క్రితం ట్రంప్ మాట్లాడుతూ.మరోసారి తాను అధ్యక్షుడినైతే భారత్‌పై ప్రతీకార పన్ను విధిస్తానని సంచలన వ్యాఖ్యలు చేశారు.భారత్‌లో అమెరికా ఉత్పత్తులపై అత్యధిక పన్నులు విధిస్తున్నారని ఆగ్రహం వ్యక్తం చేశారు.ఇండియాలో 100 శాతం, 150 శాతం, 200 శాతం పన్నులు వున్నాయని.పరిస్ధితులు ఇలాగే కొనసాగితే అమెరికన్ కంపెనీలు భారత్‌లో వ్యాపారం ఎలా చేస్తాయని ట్రంప్ ప్రశ్నించారు.2024లో రిపబ్లికన్ పార్టీ( Republican Party )ని గెలిపిస్తే.భారత్‌పై పరస్పర సమానమైన ప్రతీకార పన్నులు విధిస్తానని ఆయన హామీ ఇచ్చారు.