నవంబర్ 5న జరగనున్న అమెరికా ఎన్నికల్లో రిపబ్లికన్ అభ్యర్థి డోనాల్డ్ ట్రంప్( Donald Trump ) అధ్యక్ష పదవికి పోటీ చేస్తున్న సంగతి తెలిసిందే.ట్రంప్ ఇండియాలో కూడా చాలా ఫేమస్ పర్సన్ అని చెప్పుకోవచ్చు.
అయితే గురువారం రోజు (ఆగస్టు 15) ట్రంప్ ఒక వీడియో షేర్ చేశారు అందులో ఆయన టెస్లా కంపెనీ యజమాని ఎలాన్ మస్క్‌తో( Elon Musk ) కలిసి “స్టేయిన్ అలైవ్” పాపులర్ పాటకు డ్యాన్స్ చేస్తున్నట్లు కనిపించింది.ఆ వీడియో చాలా వేగంగా వైరల్ అయింది.
బీ గీస్ అనే పాప్ మ్యూజిక్ టీమ్ ఈ పాట పాడింది.
ఈ 36 సెకన్ల వీడియోలో, ఎలాన్ మస్క్, ట్రంప్ ఇద్దరూ ఫార్మల్ డ్రెస్సులు వేసుకుని, అద్భుతమైన డ్యాన్స్ స్టెప్పులు( Dance Steps ) వేస్తూ చాలా సంతోషంగా కనిపించారు.
వీడియోలో ఇద్దరూ సేమ్ డ్యాన్స్ స్టెప్పులు ఒకే సమయంలో వేస్తూ అదరగొట్టారు.అయితే ఈ వీడియోలో కనిపించింది నిజమైన మస్క్, ట్రంప్ కాదు.ఈ వీడియోను ఏఐ( AI ) సహాయంతో తయారు చేశారు.
ఈ వీడియోను మొదట అమెరికా సెనేటర్ మైక్ లీ సోషల్ మీడియాలో పోస్ట్ చేశారు.ఆ తర్వాత, స్పేస్‌ఎక్స్ కంపెనీ యజమాని ఎలాన్ మస్క్ కూడా ఈ వీడియోను తన పోస్ట్ చేస్తూ, “దీన్ని చూసిన వాళ్ళు ఇది AI వీడియో అని అనుకుంటారు” అని రాశారు.ఎలాన్ మస్క్ పోస్ట్ చేసిన వీడియోను 10 కోట్ల మందికి పైగా చూశారు.
ట్రంప్ పోస్ట్ చేసిన వీడియోను 3 కోట్ల మందికి పైగా చూశారు.ఎలాన్ మస్క్ ట్రంప్‌తో లైవ్ ఇంటర్వ్యూ చేశారు.
ఆ ఇంటర్వ్యూలో కొన్ని సమస్యలు వచ్చాయి.ఆ ఇంటర్వ్యూ జరిగిన కొన్ని రోజుల తర్వాతే ఈ డ్యాన్స్ వీడియో వచ్చింది.
ట్రంప్ అమెరికాలోని పెన్సిల్వేనియా రాష్ట్రంలో ఎన్నికల ప్రచారం చేస్తున్నప్పుడు అతనిని చంపడానికి ప్రయత్నించారు.ఈ సంఘటన జరిగిన కొన్ని రోజుల తర్వాత, ఎలాన్ మస్క్ ట్రంప్ కు మద్దతిస్తున్నట్లు ప్రకటించారు.
