సినిమా ఇండస్ట్రీలో సెంటిమెంట్లను ఎక్కువగా ఫాలో అవుతూ ఉంటారు.సక్సెస్ వచ్చిన సినిమా దారిలో నడిచేందుకు ఎక్కువగా ఇష్ట పడుతారు.
ఫ్లాప్ అయిన సినిమాకు సంబంధించిన ఏ ఒక్క విషయాన్ని తర్వాత సినిమాల్లో రిపీట్ చేసేందుకు ఆసక్తి చూపరు.కాని యంగ్ టైగర్ ఎన్టీఆర్ ఇప్పటికి మూడు సార్లు ఫ్లాప్ అయినా కూడా టైటిల్ సెంటిమెంట్ను పట్టించుకోకుండా నాల్గవ సారి కూడా టైటిల్ను ఫిక్స్ చేయడం జరిగింది.
ఎన్టీఆర్ కెరీర్లో ‘నాగ’, ‘నా అల్లుడు’, ‘నరసింహుడు’ చిత్రాలు ఏ స్థాయి ఫ్లాప్ చిత్రాలుగా మిగిలాయో ప్రత్యేకంగా చెప్పనక్కర్లేదు.ఈ మూడు సినిమాలు కూడా ‘న’ అక్షరంతో ప్రారంభం అయ్యాయి.
దాంతో ఎన్టీఆర్ మళ్లీ ‘న’ అక్షరంతో సినిమా టైటిల్ను పెట్టే సాహసం చేయడు అని అంతా భావించారు.అయితే సుకుమార్ దర్శకత్వంలో ప్రస్తుతం తెరకెక్కుతున్న చిత్రానికి ‘నాన్నకు ప్రేమతో’ అనే టైటిల్ను ఫిక్స్ చేశాడు.
దర్శకుడు సుకుమార్ కథానుసారంగా ఈ టైటిల్ను ఎంపిక చేయడంతో ఎన్టీఆర్ నో చెప్పలేక పోయినట్లుగా తెలుస్తోంది.‘న’ అక్షరం బ్యాడ్ సెంటిమెంట్ను ఎన్టీఆర్ ఈసారైనా బ్రేక్ చేస్తాడేమో చూడాలి.