Teja Sajja : హనుమంతుడు సముద్రం దాటినట్టు అడ్డంకులను దాటాం.. తేజ సజ్జా కామెంట్స్ వైరల్!

థియేటర్ల సమస్య వల్ల విడుదలకు ముందు హనుమాన్‌ విషయంలో ఏమైనా ఒత్తిడికి గురయ్యారా? అని ప్రశ్నించగా.అలాగని ఏం అనుకోలేదండి.నిజానికి విడుదలకు పదిరోజుల ముందు నుంచి కూడా నాకేం ఒత్తిడి లేదు.ఈ చిత్ర విషయంలో మాకు అన్నీ కలిసొచ్చాయి.ఆరంభంలో కొన్ని మాకు ఇబ్బందిగా అనిపించినా.ఆ దైవశక్తే మా వెనకుండి మమల్ని నడిపిస్తున్నట్లు అనిపించేది.

దాని వల్లే ఏ సమస్య ఎదురైనా దానంతట అదే తీరిపోతుందని బలంగా నమ్మేవాణ్ని.ఆ హనుమంతుల వారు సముద్రం దాటినట్లు మేము అన్ని అడ్డంకులు దాటుకొని సాఫీగా థియేటర్లలోకి వచ్చేశాం.

ఇప్పుడు సినిమాకి వస్తున్న అద్భుతమైన ఆదరణ చాలా ఆనందాన్ని ఇస్తోంది.మేము పెద్దగా ప్రచారం చేయకున్నా ఇతర భాషల్లోనూ మౌత్‌టాక్‌తో మంచి వసూళ్లు సాధిస్తోంది.

ఇది పూర్తిగా ప్రేక్షకులు అందించిన విజయం.ప్రతి హీరోకి తమ కెరీర్‌లో మైలురాయి లాంటి చిత్రం ఒకటి కచ్చితంగా పడుతుంటుంది.

నా విషయంలో అది హనుమాన్‌ చిత్రమే.మళ్లీ ఇలాంటి మ్యాజిక్‌ను పునరావృతం చేయగలుగుతానా అని అప్పుడే నాలో ఒక భయం కూడా మొదలైపోయింది అని చెప్పుకొచ్చారు తేజా.

ఈ సందర్భంగా తేజ చేసిన వాఖ్యలు సోషల్ మీడియాలో వైరల్ గా మారాయి.