తెలంగాణలో నామినేషన్ల దరఖాస్తు ప్రక్రియ మరికొన్ని గంటల్లో ముగియనుంది.ఈ మేరకు మధ్యాహ్నం 3 గంటలకు నామినేషన్ల స్వీకరణ ముగియనుంది.
దీంతో నామినేషన్ వేసేందుకు పార్టీల అభ్యర్థులు క్యూ కడుతున్నారు.ఈ క్రమంలోనే నిన్న ఒక్కరోజే సుమారు 1,129 నామినేషన్లు దాఖలు కాగా తెలంగాణ వ్యాప్తంగా ఇప్పటివరకు మొత్తం 2,475 కు పైగా నామినేషన్లు దాఖలయ్యాయి.
ఇందులో రెండుసార్లు నామినేషన్ దాఖలు చేసిన వారు సుమారు 157 మంది ఉన్నట్లు ఎన్నికల సంఘం ప్రకటించింది.నామినేషన్ వేసిన వారిలో 87 మంది అభ్యర్థులు అఫిడవిట్ లు సమర్పించలేదని తెలుస్తోంది.
కాగా ఈనెల 13న నామినేషన్లను పరిశీలించనున్న ఎన్నికల సంఘం ఈనెల 15 వరకు నామినేషన్ల ఉపసంహరణకు గడువు ఉన్న సంగతి తెలిసిందే.
