కీలక నేతలంతా అసెంబ్లీకే.. బీజేపీ అధిష్టానం  నిర్ణయం ఇదే ? 

 2019 ఎన్నికలతో పోల్చితే దక్షిణాది నుంచి ఎక్కువగా ఎంపీ సీట్లు గెలిచేందుకు అవసరమైన అన్ని వ్యూహాలను సిద్ధం చేసుకోవాలని ప్రధాని నరేంద్ర మోది సూచించినట్లు బిజెపి వర్గాలు పేర్కొంటున్నాయి.దీనిలో భాగంగానే తెలంగాణలో పార్టీని( Telangana ) మరింత బలోపేతం చేసేందుకు అనుకూల పరిస్థితులు ఉన్నాయని , వాటిపైనే దృష్టి పెట్టాలని ప్రధాని సూచించారు మా ఇక అసెంబ్లీ ఎన్నికలకు తెలంగాణ బిజెపికి చెందిన కీలక నాయకులంతా సిద్ధంగా ఉండాలని, అన్ని అసెంబ్లీ స్థానాల్లోనూ క్షేత్రస్థాయి నుంచి వివిధ రూపాల్లో పార్టీ కార్యక్రమాలు చేపట్టాలని ముఖ్యంగా రాష్ట్రంలోని 19 ఎస్సీ 12 ఎస్టి రిజర్వడ్ సీట్లలో పార్టీ బలోపేతానికి ప్రణాళికలు అమలు చేయాలని, సూచించినట్లు సమాచారం .అలాగే బీఆర్ఎస్ ప్రభుత్వం వైఫల్యాలు, ప్రజా వ్యతిరేక విధానాలపై అంశాల వారీగా ఆందోళన కార్యక్రమాలు చేపట్టాలని, స్థానికంగా నిరసన కార్యక్రమాలు చేపట్టేందుకు ఏర్పాట్లు చేసుకోవాలని , ముఖ్యంగా డబల్ బెడ్ రూమ్ ఇళ్ళు ,దళిత బంధు వంటి ప్రధాన అంశాలపై ఫోకస్ పెట్టి బిఆర్ఎస్ ప్రభుత్వాన్ని ఇరుక్కుని పెట్టాలని సూచించినట్లు సమాచారం.ఈనెల 20 నుంచి రాష్ట్రంలోని 119 నియోజకవర్గాల్లో మహారాష్ట్ర, కర్ణాటక, ఉత్తరప్రదేశ్ లకు చెందిన 119 మంది బిజెపి ఎమ్మెల్యేలు వారం రోజులపాటు పర్యటించనున్నారు.

వారంతా ఏడు రోజులు తమకు కేటాయించిన నియోజకవర్గంలోనే పర్యటిస్తారు.