హాట్ స్టార్ – వాల్ట్ డిస్నీ( Hot Star – Walt Disney ) గురించి ప్రపంచ జనాలకి ప్రత్యేకంగా పరిచయం చేయాల్సిన పనిలేదు.ఓటీటీ, పలు భాషల్లో సినిమాల రిలీజ్, వెబ్ సిరీస్, వీడియో ఆన్ డిమాండ్ విషయంలో ఎంటర్టైన్మెంట్ రంగంలో దూసుకుపోతున్న ఈ జాయింట్ వెంచర్ ఇపుడు మరో భాగస్వామి కోసం వెతుకుతున్నట్టు తెలుస్తోంది.
అసలు మంచి పార్టీ దొరికితే వీలయితే అమ్మేయాలని కూడా అనుకుంటోందని విశ్వసనీయ వర్గాల సమాచారం.ఈ మేరకు వాల్ స్ట్రీట్ జర్నల్ ఓ కధనాన్ని ప్రచురించింది.
దీని ప్రకారం… ఈ ప్రయత్నాలు ఇంకా మొదటి దశలోనే ఉన్నట్టు తెలుస్తోంది.ఈ జాయింట్ వెంచర్ కూడా రిలయెన్స్ ( Reliance )నుంచి పోటీని తట్టుకోలేక తట్టాబుట్టా సర్దుకునే ప్రయత్నం చేస్తోందని గుసగుసలు వినబడుతున్నాయి.
లేదంటే ఆదానీ గ్రూప్( Adani Group ) వంటి పార్టనర్ గాని దొరికితే నిలదొక్కుకుంటామని ఆశపడుతోంది.ఈ మధ్య జరిగిన ఐపీఎల్ డిజిటల్ మీడియా హక్కులను రిలయెన్స్ గెలుచుకున్నాక హాట్ స్టార్ బలమైన పోటీ విషయంలో కాస్త తడబడిందని సుస్పష్టం అవుతోంది.రిలయెన్స్ తన స్ట్రీమింగ్ సర్వీస్ జియో సినిమా( Jio movie ) పరిధిని విస్తరించడానికి వార్నర్ బ్రదర్స్ ప్రోగ్రామ్స్ కోసం సంప్రదింపులు జరుపుతున్నట్టు వినికిడి.కాగా వార్నర్ బ్రదర్స్ ( Warner Bros )కి డిస్కవరీతో దీర్ఘకాల ఒప్పందం కుదిరింది.
దాంతో రిలయెన్స్ తన విస్తరణ ప్రణాళికల్ని జాగ్రత్తగా రచిస్తున్నట్టు తెలుస్తోంది.మరోవైపు వాల్ట్ డిస్నీ ఆర్థిక స్థితి అంతంత మాత్రమే.
కాబట్టి ఈ కంపెనీలో వేల ఉద్యోగాలను తొలగించే పనిలో పడింది.
వార్షిక వ్యయం కోతలో భాగంగా కనీసం 7000 మందిని ఇంటికి పంపనుందని భోగట్టా.ఫిబ్రవరిలో స్వయంగా ఈ కంపెనీయే ఈ విషయం వెల్లడించింది.ఏప్రిల్లో మొదటి రౌండ్ తొలగింపుల్లో భాగంగా వేల మందికి పింక్ స్లిప్పులు అందించింది.
ఈ క్రమంలో సిబ్బందికి ఏడాది ‘తొలగింపుల ప్యాకేజీ’ ఇవ్వనుంది.వెంటనే తీసేస్తే ఉద్యోగులు ఇబ్బందులు పడతారు కాబట్టి 6 నెలలు కొలువులో కొనసాగించడానికి ఓ ఏజెన్సీని కూడా.
నియమించడం జరిగింది.ఇదంతా వినోదరంగంలో నెలకొన్న పోటీని, తద్వారా దిగజారుతున్న ఆర్థిక స్థితిగతులను తెలియచేస్తోంది.
డిస్నీ- హాటా స్టార్ పరిస్థితే ఇలా ఉంటే ఇక మామూలు వినోద సంస్థల పరిస్థితిని ఏమిటన్న ప్రశ్నలు ఇపుడు మొదలయ్యాయి.
తెలుగు వార్త విశేషాలు సులభముగా తెలుసుకోండి!!!!
సినిమా కబుర్లు
టాప్ స్టోరీస్
క్రైమ్ న్యూస్
అవీ...ఇవి
ప్రత్యేకం
