జాను, శ్రీకారం, మహా సముద్రం సినిమాలు నిరాశపరచగా ఆడవాళ్లు మీకు జోహార్లు సినిమా అయినా శర్వానంద్ కి సూపర్ సక్సెస్ ఇస్తుందని భావించాడు.కానీ సినిమాకు టాక్ మాత్రం అంత గొప్పగా ఏమి లేదు.
శర్వానంద్ కథల ఎంపిక బాగానే ఉన్నా ఆ సినిమాల విషయంలో డైరక్టర్స్ డీఫాల్ట్ వల్ల ఆ ఎఫెక్ట్ అతని మీద పడుతుంది.కిశోర్ తిరుమల కూడా ఇదివరకు సినిమాల్లో తను ఎంచుకున్న పాయింట్ ని కరెక్ట్ గా కన్వే చేశాడు.
కానీ ఆడవాళ్లు మీకు జోహార్లు సినిమా మెలో డ్రామాగా చేశాడు.
ఈ సినిమా తర్వాత శర్వానంద్ ఒకే ఒక జీవితం సినిమా చేస్తున్న విషయం తెలిసిందే.
ఆ సినిమా తెలుగు, తమిళ భాషల్లో రిలీజ్ ప్లాన్ చేశారు.ఇదిలాఉంటే ఈ మూవీ తర్వాత శర్వానంద్ డ్యాన్స్ మాస్టర్ రాజు సుందరం డైరక్షన్ లో ఓ సినిమా చేస్తున్నాడని తెలుస్తుంది.
ఇప్పటికే కథ ఫైనల్ అవగా త్వరలోనే ఈ సినిమా ఎనౌన్స్ మెంట్ వస్తుందని అంటున్నారు.ఇదివరకు రాజు సుందరం అజిత్ హీరోగా ఒక సినిమా చేశాడు.
ఇక ఇప్పుడు అతని డైరక్షన్ లో శర్వానంద్ సినిమా ఫిక్స్ చేసుకున్నాడు.