అనుష్క శెట్టి( Anushka Shetty ) స్ట్రాంగ్ కంబ్యాక్ తో సిద్ధం అవుతున్న మూవీ కోసం ఆమె ఫ్యాన్స్ ఎంతగానో ఎదురు చూస్తున్న విషయం తెలిసిందే.అనుష్క హీరోయిన్ గా నవీన్ పోలిశెట్టి హీరోగా తెరకెక్కిన లేటెస్ట్ మోస్ట్ ఎవైటెడ్ మూవీ ‘‘మిస్ శెట్టి మిస్టర్ పోలిశెట్టి”.
( Miss Shetty Mr Polishetty ).క్లీన్ ఎంటర్టైనర్ గా తెరకెక్కిన ఈ సినిమాపై అంచనాలు భారీగా ఉన్నాయి.
ఈ సినిమాను యువీ క్రియేషన్స్ బ్యానర్( UV Creations Banner ) వారు నిర్మిస్తుండగా రారా కృష్ణయ్య సినిమాతో డైరెక్టర్ గా మారిన మహేష్ ఈ సినిమాను తెరకెక్కిస్తున్నాడు.సెప్టెంబర్ 7న రిలీజ్ కాబోతున్న ఈ సినిమాను తాజాగా మెగాస్టార్ వీక్షించారు.ఆ తర్వాత ఈ సినిమా గురించి ఆసక్తికర వ్యాఖ్యలు చేయగా ఈ సినిమాకు ఇది పెద్ద బూస్ట్ ఇచ్చినట్టు అయ్యింది.”’మిస్ శెట్టి – మిస్టర్ పోలిశెట్టి’ చూశాను.మొదటి నుంచి చివరి దాకా ఎంతగానో ఆకట్టుకున్న హిలేరియస్ ఎంటర్టైనర్.నేటి యువత ఆలోచనా విధానాన్ని రిఫ్లెక్ట్ చేస్తూ తీసుకున్న సరికొత్త కధాంశం, ‘జాతి రత్నాలు‘కు రెట్టింపు ఎనర్జీని, వినోదాన్ని అందచేసిన నవీన్ పోలిశెట్టి, కొంచెం గ్యాప్ తర్వాత కనిపిస్తున్నా మరింత అందంగా, బ్యూటిఫుల్ గా వున్న మనందరి దేవసేన అనూష్క శెట్టి లు ఈ చిత్రానికి ప్రాణం పోశారు.
ఫుల్ లెంగ్త్ ఎంటర్టైనర్ అవటంతో పాటు ఎమోషన్స్ ని కూడా అద్భుతంగా మిక్స్ చేసి రక్తి కట్టించేలా రూపుదిద్దిన డైరెక్టర్ Mahesh Babu ని అభినందించాల్సిందే.BTW ఈ చిత్రానికి తొలి ప్రేక్షకుడ్ని నేనే.ఆ హిలేరియస్ మూమెంట్స్ ఎంతగానో ఎంజాయ్ చేశాను.మరోసారి థియేటర్ లో ప్రేక్షకులందరి తోనూ ఎంజాయ్ చేయాలన్న బలమైన కోరిక నాకు కలిగింది.మిస్ శెట్టి – మిస్టర్ పోలిశెట్టి 100% ఆడియన్స్ ని నవ్వుల బాట పట్టిస్తారనటంలో సందేహం లేదు” అంటూ ఈయన పోస్ట్ చేసారు.
