బుల్లితెరపై ప్రసారమయ్యే జబర్దస్త్ కార్యక్రమం ద్వారా ఎంతో మంచి గుర్తింపు సంపాదించుకున్న సుడిగాలి సుధీర్ అదే పాపులారిటీతో పలు సినిమాలలో నటించారు.అయితే ఈ రెండు సినిమాలు పెద్దగా ప్రేక్షకులను ఆకట్టుకోలేకపోవడంతో ఈ సారి మాస్ యాక్షన్ తరహాలో ప్రేక్షకుల ముందుకు రావడానికి సిద్ధమయ్యారు.
ఈ క్రమంలోనే సుడిగాలి సుధీర్ హీరోగా రాజశేఖర్ దర్శకత్వంలో గాలోడు అనే సినిమా ద్వారా ప్రేక్షకుల ముందుకు రానున్నారు.
సుధీర్ హీరోగా యాక్షన్ ఎంటర్ టైనర్ గా తెరకెక్కిన ఈ సినిమా నుంచి తాజాగా టీజర్ విడుదల చేశారు .ఇందులో సుధీర్ మేకోవర్ డిఫరెంట్ గా ఉండడమే కాకుండా నాకు ఎవరిపై నమ్మకం లేదు నన్ను నేను నమ్ముకుంటా అని సుధీర్ చెప్పే డైలాగ్ ప్రతి ఒక్కరిని ఆకట్టుకుంది.ప్రస్తుతం ఈ టీజర్ సోషల్ మీడియాలో వైరల్ గా మారింది.
ఈ సినిమాలో సుధీర్ లుక్ ప్రతి ఒక్క ప్రేక్షకుడిని ఎంతగానో ఆకట్టుకుందని చెప్పవచ్చు.ఇకపోతే ఈ టీజర్ లో సప్తగిరి, పృథ్వీ కనిపించారు.
శరవేగంగా షూటింగ్ పనులు పూర్తి చేసుకున్న ఈ సినిమా త్వరలోనే విడుదల కానుందని చిత్ర బృందం ఈ సందర్భంగా వెల్లడించారు.ప్రస్తుతం సుధీర్ గాలోడు టీజర్ సోషల్ మీడియాలో వైరల్ గా మారింది.
