తెలంగాణ ముఖ్యమంత్రి కేసీఆర్ అధ్యక్షతన ప‌్ర‌గ‌తి భ‌వ‌న్‌ లో తెలంగాణ మంత్రివ‌ర్గ సమావేశం ప్రారంభ‌మైంది.వివిధ చట్టాల సవరణ ముసాయిదా బిల్లుల‌పై మంత్రివ‌ర్గం చ‌ర్చించి , ఈ సమావేశంలో ఆమోదం తెలుపనున్నారు.
అలాగే ఈ భేటీలో అతి త్వరలో జరగబోయే శాస‌న‌స‌భ‌లో ప్ర‌వేశ‌పెట్ట‌నున్న బిల్లుల‌పై మంత్రి వ‌ర్గం చ‌ర్చించ‌నుంది.జీహెచ్ఎంసీ చ‌ట్ట సవరణ బిల్లుపై కూడా చ‌ర్చించి ఆమోదించ‌బోతున్నారు.
ఇక , జీహెచ్ఎంసీ చట్టాల సవరణ, హైకోర్టు సూచనలతో పలు చట్టాల్లో మార్పులు చేసేందుకు మంగళవారం అసెంబ్లీ సమావేశం కానున్నది.13న ఉదయం 11.30 గంటలకు సమావేశం ప్రారంభమవుతుంది.శాసనమండలి ఈ నెల 14న ఉదయం 11 గంటలకు సమావేశమవుతుంది.
ఇకపోతే , ధరణి యాప్ లో సీఎం కేసీఆర్ తన నివాసం వివరాలు నమోదు చేశారు.ఎర్రవెల్లిలో సీఎం నివాసానికి వెళ్లి గ్రామ కార్యదర్శి వివరాలు ధరణి యాప్ లో నమోదు చేశారు.
ఈ సందర్భంగా కేసీఆర్ మాట్లాడుతూ ప్రజలంతా తమ స్థిరాస్తుల వివరాలను నమోదు చేసుకోవాలని పిలుపునిచ్చారు.ఆస్తులపై ప్రజలకు హక్కు, భద్రత కల్పించేందుకే ధరణి యాప్ రూపొందించామని తెలిపారు.
దేశంలోనే తొలిసారిగా చేపట్టిన స్థిరాస్తుల నమోదు ప్రక్రియ.చర్రితలో మైలురాయిగా నిలిచిపోతుందని కేసీఆర్ చెప్పారు.
.
