తెలుగులో ప్రముఖ దర్శకుడు సుకుమార్ శిష్యుడు బుచ్చిబాబు సాన “ఉప్పెన” చిత్రానికి దర్శకత్వం వహించిన సంగతి అందరికి తెలిసిందే.అయితే ఈ చిత్రం ఎలాంటి అంచనాలు లేకుండా విడుదలై బాక్సాఫీసు వద్ద కలెక్షన్లను కొల్లగొడుతోంది.
కాగా ఈ చిత్రంలో హీరో హీరోయిన్లుగా నూతన నటీనటులు మెగా అల్లుడు వైష్ణవ్ తేజ్ మరియు యంగ్ హీరోయిన్ కృతి శెట్టి నటించారు. అలాగే ఈ చిత్రంలో తమిళ ప్రముఖ నటుడు విజయ్ సేతుపతి కీలక పాత్రలో నటించి తన పాత్రలతో ప్రేక్షకుల్ని కట్టి పడేసాడు.
తాజాగా ఈ చిత్రానికి సంబంధించిన ఓ విషయం సోషల్ మీడియా మాధ్యమాలలో తెగ వైరల్ అవుతోంది.
అయితే ఇంతకీ ఆ విషయం ఏమిటంటే ఈ చిత్రాన్ని తమిళంలో రీమేక్ చేసేందుకు నటుడు విజయ్ సేతుపతి సన్నాహాలు చేస్తున్నాడని ఇందులో భాగంగా ఇప్పటికే ఈ చిత్రానికి సంబంధించిన తమిళ డిజిటల్ రీమేక్ హక్కులను కూడా విజయ్ సేతుపతి కొనుక్కున్నట్టు సమాచారం.
కాగా ఈ చిత్రంలో హీరోగా గా తమిళ్ తలైవా విజయ్ కొడుకు సంజయ్ విజయ్ హీరోగా నటిస్తున్నాడనీ టాక్ వినిపిస్తోంది.
అంతేకాక ఆమధ్య విజయ్ సేతుపతి సంజయ్ కోసమే ఉప్పెన డిజిటల్ హక్కులను కొన్నాడని కూడా వార్తలు వినిపించాయి.
కాగా ప్రస్తుతం సంజయ్ ఇతర దేశాల్లో నటనకు సంబంధించిన కోర్సులను అభ్యసిస్తున్నాడు. అయితే ఉప్పెన తెలుగు చిత్రంలో విలన్ పాత్ర పోషించిన విజయ్ సేతుపతి తమిళంలో కూడా విలన్ గా నటిస్తాడో లేక అతడి స్థానంలో మరో నటుడిని నటింపజెస్తాడో చూడాలి.
ఈ విషయం ఇలా ఉండగా ప్రస్తుతం ఉప్పెన చిత్రం టాలీవుడ్ లో మంచి విజయం సాధించడంతో ఈ చిత్రాన్ని బాలీవుడ్లో కూడా రీమేక్ చేసేందుకు సన్నాహాలు చేస్తున్నారట.కాగా ఉప్పెన హిందీ రీమేక్ చిత్రంలో హీరోగా బాలీవుడ్ కింగ్ ఖాన్ షారుఖ్ ఖాన్ కొడుకు ఆర్యన్ ఖాన్ నటించబోతున్నట్లు సమాచారం.ఏదేమైనప్పటికీ వచ్చీరావడంతోనే నూతన దర్శకుడు బుచ్చిబాబు సాన అటు నూతన నటీనటులు వైష్ణవ తేజ్ మరియు కృతి శెట్టి లు మంచి విజయం సాధించి తమ ప్రస్థానాన్ని మొదలు పెట్టారని చెప్పడంలో ఎలాంటి సందేహం లేదు.
తెలుగు వార్త విశేషాలు సులభముగా తెలుసుకోండి!!!!
