యంగ్ టైగర్ సినిమాకు హాలీవుడ్ టచ్.. పాన్ వరల్డ్ రేంజ్ లో సత్తా చాటుతారా?

యంగ్ టైగర్ జూనియర్ ఎన్టీఆర్, హృతిక్ రోషన్ ( Junior NTR, Hrithik Roshan ) కాంబినేషన్ లో వార్2 టైటిల్ తో అయాన్ ముఖర్జీ దర్శకత్వంలో అత్యంత భారీ బడ్జెట్ తో ఒక సినిమా తెరకెక్కుతున్న సంగతి తెలిసిందే.

బాలీవుడ్ టాప్ హీరో హృతిక్ , టాలీవుడ్ టాప్ హీరో జూనియర్ ఎన్టీఆర్ కలిసి నటిస్తుండటంతో ఈ సినిమాపై ఊహించని స్థాయిలో అంచనాలు పెరిగాయి.

ఈ సినిమాలో ఒక హీరోయిన్ గా కియారా అద్వానీ నటిస్తుండగా మరో హీరోయిన్ కు సంబంధించి క్లారిటీ రావాల్సి ఉంది.ఇప్పటికే ఈ సినిమాకు సంబంధించి ఒక షెడ్యూల్ పూర్తైందంటే ఈ సినిమా షూటింగ్ ఎంత వేగంగా జరుగుతుందో సులువుగానే అర్థమవుతుంది.

అయితే ఈ సినిమాకు హాలీవుడ్ టచ్ కూడా ఇచ్చేలా దర్శకుడు అయాన్ ముఖర్జీ ( Ayan Mukherjee ) ప్లాన్ చేశారని భోగట్టా.ఫాస్ట్ ఎక్స్, కెప్టెన్ అమెరికా సివిల్ వార్ సినిమాల కోసం పని చేసిన స్పిరో రజాటోస్ ఈ సినిమాకు యాక్షన్ డైరెక్టర్ గా పని చేయనున్నారని తెలుస్తోంది.