ఏపీలో ముందస్తు ఎన్నికలు ? కేసిఆర్ తో పాటే జగన్ ?

 గడపగడపకు మన ప్రభుత్వం వంటి కార్యక్రమాలతో జనాల్లో ఉంటూ జన బలం పెంచుకునేందుకు అధికార పార్టీ ప్రయత్నాలు చేస్తోంది.ఇక ముందస్తు ఎన్నికలపై ఢిల్లీ స్థాయిలోనూ హడావుడి జరుగుతుండడంతో,  ఏపీలో ముందస్తు ఎన్నికలు వస్తాయని టీడీపీ జనసేనలు ముందుగానే అంచనా వేశాయి.అనేక సందర్భాల్లో ఏపీలో ముందస్తు ఎన్నికలు రాబోతున్నాయనే హడావుడి చేశాయి.

అయితే ఈ విషయాన్ని అధికార పార్టీ వైసిపి ఖండించింది.  సాధారణ ఎన్నికల జరుగుతాయని క్లారిటీ ఇచ్చింది.

అప్పట్లో ఈ విషయాన్ని ప్రభుత్వ సలహాదారు సజ్జల రామకృష్ణారెడ్డి( Sajjala Ramakrishna Reddy ) ప్రకటించారు.తాజాగా ఇదే విషయంపై మరోసారి స్పందించారు.

  రాష్ట్రంలో ఎన్నికలు ఎప్పుడు వచ్చినా ఎదుర్కొనేందుకు వైసిపి సిద్ధంగానే ఉందని సజ్జల ప్రకటించారు.దీంతో ఏపీ ప్రభుత్వం ముందస్తు ఎన్నికలకు వెళ్లే ఆలోచనలో ఉందా ?  అందుకే ఈ విధంగా వ్యాఖ్యానించారా అనే అనుమానాలు అందరిలోనూ కలుగుతున్నాయి.

నిన్న ఎన్టీఆర్ జిల్లా జగ్గయ్యపేట చిల్లకల్లు రోడ్డు ప్రారంభంలో పాల్గొన్న సజ్జల రామకృష్ణారెడ్డి ఏపీ ఎన్నికల అంశంపై స్పందించారు.సీఎంగా జగన్( cm Jagan ) ఏపీకి చేసిన అభివృద్ధితో పోలిస్తే ఏ రాష్ట్రంలోనూ కనీసం 10% కూడా చేయలేదని , టిడిపి అనుకూల మీడియా ద్వారా చంద్రబాబు, పవన్ కళ్యాణ్ లు తమ పార్టీని హైప్ చేసుకునే ప్రయత్నాలు చేస్తున్నారని,  కానీ ప్రజలంతా మళ్ళీ వైసీపీకే పట్టం కట్టేందుకు సిద్ధంగా ఉన్నారని పేర్కొన్నారు.ఇది ఇలా ఉంటే మరో నాలుగు నెలల్లో తెలంగాణలో సార్వత్రిక ఎన్నికలు జరగబోతున్నాయి.ఏపీలోనూ ఎన్నికలు జరిగే అవకాశం ఉందంటూ విస్తృతంగా ప్రచారం జరుగుతుంది.దీనికి తగ్గట్లుగానే జగన్ కీలక నిర్ణయాలు తీసుకుంటున్నారు.దీనికి తగ్గట్టుగానే ఆ పార్టీ నాయకులు చేస్తున్న వ్యాఖ్యలు ముందస్తు ఎన్నికల వాదనకు మరింత బలం చేకూరుస్తున్నాయి.