చైనా( China ) ఇప్పుడు టెక్నాలజీతో అదరగొడుతోంది. షెన్‌జెన్, గ్వాంగ్‌డాంగ్ వీధుల్లో( Shenzhen, Guangdong ) హ్యూమనాయిడ్ పోలీస్ రోబోలు చక్కర్లు కొడుతుంటే జనాలు కళ్లప్పగించి చూస్తున్నారు.
పోలీస్ యూనిఫామ్ వేసుకుని, మనుషుల్లాగే నడుస్తూ, జనం వైపు చేయి ఊపుతూ, షేక్ హ్యాండ్ కూడా ఇస్తూ ఈ రోబోలు హల్చల్ చేస్తున్నాయి.సోషల్ మీడియాలో వీటి వీడియోలు తెగ వైరల్ అవుతున్నాయి.
ప్రస్తుతానికి షెన్‌జెన్ పోలీసులు వీటిని కొద్దిగానే వాడుతున్నారు.మనుషుల్లాంటి పోలీసులతో కలిసి ఈ రోబోలు పెట్రోలింగ్ చేస్తున్నాయి.
వాయిస్ కమాండ్స్‌తో పనిచేస్తూ పోలీసులకు హెల్ప్ చేస్తున్నాయి.అలా మనుషుల పనిభారం కాస్త తగ్గిస్తున్నాయి.
ఈ హ్యూమనాయిడ్ రోబో పేరు PM01.దీన్ని షెన్‌జెన్‌కి చెందిన ఇంజన్ఏఐ రోబోటిక్స్( EngineAI Robotics ) అనే కంపెనీ తయారుచేసింది.1.38 మీటర్ల పొడవు, 40 కేజీల బరువు ఉంటుంది.ఒక్కో రోబో ధర అక్షరాలా రూ.10.5 లక్షలు (88,000 యువాన్లు).PM01 నడుము 320 డిగ్రీలు తిరుగుతుంది.అంటే అది చేసే మూమెంట్స్ మామూలుగా ఉండవు.మెకానికల్‌గా, మనుషుల్లా సహజంగా కూడా నడవగలదు.ఇంకా ఆప్టికల్ మోషన్ క్యాప్చర్ టెక్నాలజీతో మనుషుల కదలికల్ని కూడా పట్టేస్తుంది, అనలైజ్ చేస్తుంది.దీన్ని కంట్రోల్ చేసే స్క్రీన్ ఐతే అచ్చం ఐరన్ మ్యాన్ సినిమాలో ఉన్నట్టు ఉంటుంది.
చూడటానికి చాలా ఇంటరాక్టివ్‌గా, స్మార్ట్ ఫీచర్లతో నిండి ఉంటుంది.
చైనాలో ఇప్పుడు పనిచేసేవాళ్లు తగ్గిపోతున్నారు, వయసు పైబడిన వాళ్లు ఎక్కువవుతున్నారు. ఈ ప్రాబ్లమ్‌ని సాల్వ్ చేయడానికి చైనా గవర్నమెంట్ ఆటోమేషన్, రోబోటిక్స్‌లో భారీగా పెట్టుబడులు పెడుతోంది.మనుషుల కొరతను తీర్చడానికి, ఎకానమీని పెంచడానికి ఈ హ్యూమనాయిడ్ రోబోలు బాగా హెల్ప్ చేస్తాయని చైనా నమ్ముతోంది.
ఇంటర్నేషనల్ ఫెడరేషన్ ఆఫ్ రోబోటిక్స్ లెక్కల ప్రకారం, 2023లో చైనా ఏకంగా 2,76,288 రోబోలను వాడకంలోకి తెచ్చింది.ఇది ప్రపంచంలో మొత్తం వాడిన రోబోల్లో 51 శాతం అంటే నమ్మశక్యంగా లేదు.
ఇంకా ఆగస్టులో చైనాలో ఒక స్పోర్ట్స్ ఈవెంట్ జరగబోతోంది.అందులో హ్యూమనాయిడ్ రోబోలు ట్రాక్ అండ్ ఫీల్డ్, ఫుట్‌బాల్, ఇంకా రకరకాల స్కిల్ బేస్డ్ ఛాలెంజ్‌లలో పోటీ పడబోతున్నాయి.
రోబోలు చేసే విన్యాసాలు చూడటానికి రెండు కళ్లు చాలవు.
