తల్లి తన పిల్లల పట్ల చూపే ప్రేమ, సంరక్షణ, ఆప్యాయతకు కొలవలేం.అందుకే ఈ సృష్టిలో తల్లికి ఉండే విలువ మరే ఇతర వాటితో పోల్చలేం.
మనుషులైనా జంతువులైనా తల్లి ప్రేమ( Mother’s Love ) ఒకేలా ఉంటుంది.తన బిడ్డలకు ఏ మాత్రం ఆపద వచ్చినా తల్లి తట్టుకోలేదు.
అవసరమైతే తన ప్రాణాలు పణంగా పెట్టి, తన బిడ్డలను రక్షించుకుంటుంది.మనుషులలోనే కాకుండా ఇదే తరహాలో పిల్లల పట్ల జంతువులు కూడా ప్రేమ చూపుతాయి.
దీనికి ప్రత్యక్ష ఉదాహరణగా ఓ ఘటన జరిగింది.మొసలి ( Crocodile ) బారిన పడిన గున్న ఏనుగును తల్లి ఏనుగు( Mother Elephant ) తన ప్రాణాలను పణంగా పెట్టి రక్షించుకుంది.
ఈ వీడియో సోషల్ మీడియాలో వైరల్ అవుతోంది.దీనికి సంబంధించిన ఆసక్తికర విషయాలిలా ఉన్నాయి.
ఇండియన్ ఫారెస్ట్ సర్వీస్ అధికారి సుశాంత నంద తన ట్విట్టర్ ఖాతాలో ఆసక్తికర వీడియోలు పోస్ట్ చేస్తుంటారు.జంతువులకు సంబంధించిన ఆ వీడియోలు మనకు ఎన్నో విషయాలను నేర్పిస్తాయి.చాలా స్పూర్తిని అందిస్తాయి.తాజాగా ఆయన ఓ ఏనుగు సాహసోపేత చర్యతో కూడిన వీడియోను పోస్ట్ చేశారు.అందులో ఓ కొలనులో పిల్ల ఏనుగు జలకాలాటలు ఆడుతూ ఉంటుంది.దానితో పాటే దాని తల్లి ఏనుగు కూడా అక్కడే ఉంటుంది.
ఇంతలో కొలనులో దాగి ఉన్న మొసలి ఒక్కసారిగా పిల్ల ఏనుగుపై దాడి చేస్తుంది.
ఇది గమనించిన ఆ తల్లి ఏనుగు తన బిడ్డను రక్షించుకునేందుకు మొసలిపై దాడి చేసింది.ఆ మొసలి కూడా తల్లి ఏనుగు కాలు పట్టుకుని గట్టిగా కరుస్తుంది.అయితే ఏ మాత్రం తగ్గకుండా ఆ తల్లి ఏనుగు పోరాడి తనతో పాటు తన బిడ్డను రక్షించుకుంటుంది.
ఏనుగు దాడిలో గాయపడిన మొసలి అక్కడి నుంచి వెళ్లిపోతుంది.వీడియోకు నెటిజన్ల నుంచి విశేష స్పందన వస్తోంది.ఏనుగు ధైర్యాన్ని నెటిజన్లు కొనియాడుతున్నారు.తల్లి ప్రేమకు ఇది నిదర్శనమని పలువురు వ్యాఖ్యానిస్తున్నారు.
