రాజన్న సిరిసిల్ల జిల్లా:అసెంబ్లీ ఎన్నికల షెడ్యూల్ విడుదల నేపథ్యంలో జిల్లాలోని ఫ్లయింగ్ స్క్వాడ్ లు అప్రమత్తంగా ఉంటూ మోడల్ కోడ్ ఉల్లంఘనలపై స్పందించాలని కలెక్టర్ జిల్లా ఎన్నికల అధికారి అనురాగ్ జయంతి( Anurag Jayanti ) సూచించారు.మంగళవారం మోడల్ కోడ్ ఆఫ్ కండక్ట్ ను నిక్కచ్చిగా అమలు పై ఫ్లయింగ్ స్క్వాడ్ బృంద సభ్యులతో కలెక్టరేట్ మినీ మీటింగ్ హల్ నందు సమావేశం నిర్వహించారు.
ఫ్లయింగ్ స్క్వాడ్( Flying squad ) బృందాలు నిష్పక్షపాతంగా , పారదర్శంగా ఎన్నికల విధులను నిర్వహించాలన్నారు.మోడల్ కోడ్ ఉల్లంఘన సమయంలో సీజ్ చేసేటప్పుడు కచ్చితంగా పంచనామా చేయాలన్నాడు.
ఆ ప్రక్రియను వీడియోగ్రఫీ కూడా చేయాలన్నారు .సి విజిల్ సహా ఇతర ఫిర్యాదులపై తక్షణమే స్పందించాలన్నారు.ఈ సమావేశంలో జిల్లా అదనపు కలెక్టర్ ఎన్ ఖీమ్యా నాయక్,( Khemya Naik ) చేనేత జౌళి జిల్లా అధికారి సాగర్, జిల్లా లేబర్ అధికారి రఫీ తదితరులు పాల్గొన్నారు.