రాజన్న సిరిసిల్ల జిల్లా ఎల్లారెడ్డిపేట మండల కేంద్రంలో రెడ్డి సంక్షేమ సంఘం మండల అధ్యక్షుడు గుండాడి వెంకట్ రెడ్డి ఆధ్వర్యంలో బొప్పాపూర్ వ్యవసాయ మార్కెట్ కమిటీ డైరెక్టర్లను శుక్రవారం ఘనంగా సన్మానించారు.మార్కెట్ కమిటీ వైస్ చైర్మన్ గుండాడి రాంరెడ్డి, డైరెక్టర్లు ముత్యాల సత్యం రెడ్డి, కొంగరి కృష్ణారెడ్డి, జంగా శ్రీకాంత్ రెడ్డి, మర్రి నారాయణరెడ్డి, పొన్నాల తిరుపతిరెడ్డి, గుల్లపల్లి లక్ష్మారెడ్డి లను షాలువాలతో ఘనంగా సత్కరించారు.
నూతనంగా ఎన్నికైన డైరెక్టర్లు రైతుల అభ్యున్నతికి నిరంతరం కృషి చేయాలని రెడ్డి సంక్షేమ సంఘం మండల అధ్యక్షుడు గుండాడి వెంకటరెడ్డి అన్నారు.
రైతుల బాగోగులు తెలిసిన డైరెక్టర్లు సకాలంలో రైతులకు ఎరువులను అందించడంలో రైతులకు కావలసిన పనిముట్లను అందించడంలో శ్రద్ధ వహించి రైతుల అభ్యున్నతికి కృషి చేయాలని నూతన డైరెక్టర్లకు సూచించారు.
ఈ కార్యక్రమంలో రెడ్డి సంఘం నాయకులు తిరుపతిరెడ్డి, ప్రవీణ్ రెడ్డి, జంగా బాల్ రెడ్డి, గిరిధర్ రెడ్డి, మోతి లక్ష్మారెడ్డి, చందుపట్ల రామ్ రెడ్డి, లక్ష్మారెడ్డి,పొన్నాల బాల్ రెడ్డి, సత్యం రెడ్డి తదితరులు పాల్గొన్నారు.
