ఆ విషయంలో జనాలకు నమ్మకాన్ని కలిగించే ప్రయత్నం చేస్తున్న నారా లోకేష్‌

జగన్ పరిపాలన వల్ల జరిగిన నష్టాన్ని ప్రజలకు అర్థమయ్యేలా వివరించడంలో లోకేష్ సఫలం అవుతున్నాడని తెలుగు దేశం పార్టీ నాయకులు మరియు కార్యకర్తలు ఆనందం వ్యక్తం చేస్తున్నారు.తెలుగు దేశం పార్టీ( Telugu Desam Party ) పై జనాల్లో నమ్మకాన్ని కలిగించే విధంగా లోకేష్ పాద యాత్రలో మాట్లాడుతున్నాడు అంటూ రాజకీయ విశ్లేషకులు అభిప్రాయం వ్యక్తం చేస్తున్నారు.పాదయాత్ర చేశాం అంటే చేశాం అన్నట్లుగా కాకుండా ప్రజల్లో ఉన్న వ్యతిరేకతను గుర్తించి వారికి తగ్గట్లుగా మాట్లాడుతున్న లోకేష్( Nara Lokesh )యొక్క రాజకీయ చతురతను కొందరు ప్రశంసిస్తున్నారు.తెలుగు దేశం పార్టీని మళ్లీ అధికారంలోకి తీసుకు రాబోతున్నాం అంటూ ప్రజల్లో నమ్మకాన్ని కలిగిస్తున్నారు.

రాష్ట్ర వ్యాప్తంగా జగన్ ప్రభుత్వం( YS Jagan Government )పై వ్యతిరేకత ఉంది అంటూ లోకేష్ గట్టిగా వాదిస్తున్న ఈ నేపథ్యంలో జనాల్లో ఎక్కువ శాతం తెలుగు దేశం పార్టీకి అనుకూలంగా మూడ్‌ చేంజ్ అవుతుంది అంటూ తెలుగు దేశం పార్టీ నాయకులు మరియు సోషల్ మీడియా జనాలు మాట్లాడుకుంటున్నారు.వచ్చే సంవత్సరం జరగబోతున్న ఏపీ అసెంబ్లీ ఎన్నికల్లో కచ్చితంగా తెలుగు దేశం పార్టీ విజయాన్ని సొంతం చేసుకుంటుందని నమ్మకాన్ని ఆ పార్టీ యొక్క నాయకులు కార్యకర్తలు వ్యక్తం చేస్తున్నారు.మరి లోకేష్ పాదయాత్ర ఎంత వరకు ఉపయోగపడుతుంది అనేది చూడాలి.