ఒకేసారి తొమ్మిది సినిమాలు చేస్తున్న జగ్గూభాయ్.. రెమ్యునరేషన్ ఎంతంటే?

ఒకప్పుడు ఫ్యామిలీ హీరోగా నటించి మెప్పించిన జగపతిబాబు సెకండ్ ఇన్నింగ్స్ లో అన్ని రకాల పాత్రలను పోషిస్తున్నారు.అటు విలన్ పాత్రల్లో అయినా ఇటు తండ్రి పాత్రలో అయినా పాత్రకు పూర్తిస్థాయిలో న్యాయం చేస్తూ సినిమాలకు జగపతి బాబు ప్లస్ అవుతున్నారు.

టాలెంట్ తో అవకాశాలను అందిపుచ్చుకుంటున్న జగపతి బాబుకు చేతినిండా సినిమా ఆఫర్లు ఉన్నాయి.పస్తుతం జగపతి బాబు ఏకంగా 9 సినిమాల్లో నటిస్తున్నారు.

లెజెండ్ సినిమాలో మొదట విలన్ గా నటించిన జగపతి బాబు ఆ సినిమాలోని జితేంద్ర పాత్రలో ప్రేక్షకులను ఆకట్టుకున్నారు.నాన్నకు ప్రేమతో సినిమాలో క్లాస్ విలన్ గా కనిపించిన జగపతి బాబు రంగస్థలం, అరవింద సమేత సినిమాల్లో ఊరమాస్ పాత్రలు చేసి మెప్పించారు.

ప్రస్తుతం జగపతిబాబు సలార్ మూవీలో రాజమనార్ పాత్రలో డిఫరెంట్ లుక్ లో కనిపిస్తున్నారు.వరుణ్ తేజ్ హీరోగా తెరకెక్కుతున్న గనిలో కీలక పాత్ర పోషిస్తున్నారు.

టక్ జగదీష్ మూవీలో నానికి అన్న పాత్రలో జగపతి బాబు నటిస్తున్నారు.అశోక్ గల్లా హీరోగా తెరకెక్కుతున్న సినిమాలో సైతం జగపతి బాబు కీలక పాత్ర పోషిస్తున్నారు.

తెలుగుతో పాటు కన్నడ సినిమాల్లో సైతం జగపతిబాబుకు ఆఫర్లు వస్తున్నాయి.మదగజ అనే సినిమాలో జగపతి బాబు నెగిటివ్ షేడ్స్ ఉన్న పాత్రలో నటిస్తున్నారు.అజయ్ భూపతి డైరెక్షన్ లో తెరకెక్కనున్న మహాసముద్రం సినిమాలో కూడా జగపతి బాబు నటిస్తున్నారు.

లక్ష్య మూవీలో కూడా జగపతిబాబు నటిస్తుండగా ఈ సినిమా త్వరలో రిలీజ్ కానుంది.అక్టోబర్ నెలలో రిలీజ్ కానున్న రిపబ్లిక్ సినిమాలో జగపతి బాబు నెగిటివ్ రోల్ లో నటిస్తున్నారు.అన్నాత్తే సినిమాలో జగపతి బాబు క్రూరమైన విలన్ పాత్రను పోషిస్తున్నాడని తెలుస్తోంది.

ఈ నటుడు ఒక్కో మూవీకి కోటి రూపాయల నుంచి మూడు కోట్ల రూపాయల మధ్యలో రెమ్యునరేషన్ తీసుకుంటున్నారు.