ఎలక్ట్రానిక్ బ్యాంక్ గ్యారెంటీ అంటే ఏమిటి? దీనివలన కస్టమర్‌కు చేకూరే ప్రయోజనాలు ఇవే..

స్టేట్ బ్యాంక్ ఆఫ్ ఇండియా ఇటీవల ఎలక్ట్రానిక్ బ్యాంక్ గ్యారెంటీ (ఇ-బిజి) సౌకర్యాన్ని ప్రారంభించినట్లు ప్రకటించింది.అయితే ఒక బ్యాంకు పేపర్‌లెస్ బ్యాంక్ గ్యారెంటీ సదుపాయాన్ని ప్రకటించడం ఇదే మొదటిసారి కాదు.

గత సంవత్సరం నేషనల్ ఇ-గవర్నెన్స్ సర్వీసెస్ లిమిటెడ్ భాగస్వామ్యంతో ఇ-బ్యాంక్ గ్యారెంటీని జారీ చేసిన దేశంలో మొదటి బ్యాంక్‌గా హెచ్డీఎఫ్సీ బ్యాంక్ అవతరించింది.నేషనల్ ఇ-గవర్నెన్స్ సర్వీస్ లిమిటెడ్ భాగస్వామ్యంతో ఎస్బీఐ ఇ-బ్యాంక్ గ్యారెంటీని జారీ చేస్తుంది.

ఎలక్ట్రానిక్ బ్యాంక్ గ్యారెంటీ నేషనల్ ఇ-గవర్నెన్స్ సర్వీస్ లిమిటెడ్ పోర్టల్‌లో జారీ అవుతుంది.దీని ద్వారా కస్టమర్లకు త్వరితగతిన, కాగిత రహిత సేవలను అందించనున్నారు.

ఇది బ్యాంక్ గ్యారెంటీ కోసం పట్టే సమయాన్ని ఎంతగానో తగ్గిస్తుంది.ఎస్బీఐ ద్వారా ఇ-బ్యాంక్ గ్యారెంటీని ప్రవేశపెట్టడంతో, కస్టమర్‌లు, ఇతర లబ్ధిదారులు ఎటువంటి అదనపు రుసుము లేకుండా ఎన్ఈఎస్ఎల్ పోర్టల్‌ని ఉపయోగించి తక్షణమే ఇ-బ్యాంక్ గ్యారెంటీని పొందగలుగుతారు.

దీంతో కస్టమర్ల సమయం చాలా వరకు ఆదా అవుతుందని ఎస్‌బీఐ చెబుతోంది.

బ్యాంక్ గ్యారంటీ అంటే ఏమిటి?పేరులో సూచించినట్లుగా, బ్యాంక్ గ్యారెంటీ అనేది ఒప్పంద బాధ్యతలను నెరవేర్చకపోతే రుణగ్రహీత యొక్క బాధ్యతలను తీరుస్తుందని బ్యాంకు వాగ్దానం చేస్తుంది.బ్యాంక్ గ్యారెంటీతో, రుణగ్రహీత యొక్క బాధ్యతలు తీర్చబడతాయని బ్యాంక్ నిర్ధారిస్తుంది.రుణగ్రహీత ఏదైనా రుణాన్ని తిరిగి చెల్లించలేకపోతే, బ్యాంకు దానిని నెరవేరుస్తుంది.

బ్యాంక్ గ్యారెంటీతో, రుణగ్రహీత వ్యాపారం లేదా ఇతర పని కోసం సులభంగా రుణాన్ని పొందవచ్చు.

ఇ-బ్యాంక్ గ్యారెంటీలోని ప్రయోజనాలు

పేపర్ బేస్డ్ గ్యారెంటీ కంటే ఎలక్ట్రానిక్ బ్యాంక్ గ్యారెంటీ ఉత్తమ ఎంపిక.ఈ-బ్యాంక్ హామీని సులభంగా ధృవీకరించవచ్చు.డెలివరీ చేయవచ్చు.

పేపర్ బ్యాంక్ గ్యారెంటీని జారీ చేయడానికి సాధారణంగా 3 నుండి 5 పని దినాలు పడుతుంది.కానీ ఎలక్ట్రానిక్ బ్యాంక్ గ్యారెంటీలో, ఈ మొత్తం ప్రక్రియకు కొన్ని గంటల సమయం పడుతుంది.

ఈ చొరవతో, అన్ని రకాల బ్యాంక్ గ్యారెంటీ పత్రాలు సురక్షితంగా ఉంటాయి.వాటిని ఎప్పుడైనా తనిఖీ చేయవచ్చు.

మోసాలను నివారించవచ్చు.