మరికొన్ని గంటల్లో స్టార్ హీరో విజయ్ నటించిన ది గోట్ సినిమా ( The Greatest of All Time)థియేటర్లలో విడుదల కానుంది.భారీ అంచనాలతో థియేటర్లలో విడుదల కానుండగా ఈ సినిమాతో విజయ్ ఖాతాలో మరో బ్లాక్ బస్టర్ హిట్ చేరుతుందని ఫ్యాన్స్ భావిస్తున్నారు.
లియో మూవీ తర్వాత విజయ్ నటించి విడుదలవుతున్న సినిమా ఇదే కావడం గమనార్హం.అయితే ఈ సినిమాలో స్టార్ క్రికెటర్ ధోని( MS Dhoni) కూడా నటిస్తున్నారని వార్తలు తెగ వైరల్ అవుతున్నాయి.
ది గోట్ సినిమా క్లైమాక్స్ లో సీఎస్కే మ్యాచ్ ఉంటుందని ఆ సీన్ లో ధోని కనిపిస్తారని తెలుస్తోంది.అయితే వైరల్ అవుతున్న వార్తల గురించి దర్శకుడు వెంకట్ ప్రభు స్పందిస్తూ ఒకింత కన్ఫ్యూజ్ చేసే స్టేట్మెంట్ ఇచ్చారు.ది గ్రేటెస్ట్ ఆఫ్ ఆల్ టైమ్స్ పేరుతో ది గోట్ సినిమా తెరకెక్కగా ఈ సినిమా కోసం మొదట ధోనిని తీసుకొనిరావాలని భావించామని ఆ తర్వాత తీసుకొనిరాలేదని వెంకట్ ప్రభు ( Venkat Prabhu )వెల్లడించారు.
అయితే ధోని ఈ సినిమాలో నిజంగా నటించారో లేదో తెలియాలంటే మాత్రం సినిమా రిలీజయ్యే వరకు ఆగాల్సిందే.గతంలో లియో సినిమాలో రామ్ చరణ్ నటిస్తున్నారని వార్తలు వినిపించగా ఆ వార్తలను చాలామంది నిజమేనని నమ్మారు.అయితే సినిమా విడుదలైన తర్వాత వైరల్ అయిన వార్తల్లో ఏ మాత్రం నిజం లేదని వెల్లడైంది.
ది గోట్ సినిమా కోసం ధోని ఫ్యాన్స్ సైతం ఒకింత ఆసక్తిగా ఎదురుచూస్తున్నారు.ది గోట్ సినిమా ఒకింత భారీ బడ్జెట్ తో తెరకెక్కగా ఈ సినిమా బాక్సాఫీస్ ను షేక్ చేయాలని ఫ్యాన్స్ ఫీలవుతున్నారు.
ది గోట్ సినిమా తెలుగు రాష్ట్రాల్లో సైతం రికార్డ్ స్థాయిలో థియేటర్లలో విడుదలవుతోంది.ది గోట్ సినిమాకు విజయ్ ఏకంగా 220 కోట్ల రూపాయల రేంజ్ లో రెమ్యునరేషన్ తీసుకుంటున్నారని సమాచారం అందుతోంది.
