మాజీ లేబర్ పార్టీ నాయకుడు జెరెమీ కార్బిన్ ( Jeremy Corbyn )సోమవారం కొత్తగా ఎన్నికైన నలుగురు బ్రిటీష్ ముస్లిం పార్లమెంట్( British Muslim Parliament ) సభ్యులతో పాలస్తీనియన్ అనుకూల స్వతంత్ర కూటమిని ప్రకటించారు.ఇందులో భారత సంతతికి చెందిన షాకత్ ఆడమ్, ఇక్బాల్ మహ్మద్, పాకిస్తాన్ సంతతికి చెందిన అయౌబ్ ఖాన్, అద్నాన్ హుస్సేన్‌లతో కార్బిన్‌తో చేతులు కలిపారు.
జూలై 4న జరిగిన యూకే సార్వత్రిక ఎన్నికల్లో ఇజ్రాయెల్ వ్యతిరేక వేదికపై పోటీ చేసిన స్వతంత్ర ఎంపీలు.హౌస్ ఆఫ్ కామన్స్‌లో చర్చలు, కమిటీలలో పాల్గొనేందుకు ఎంపికయ్యే అవకాశాలను పెంచుకోవడానికి అధికారిక పార్లమెంటరీ గ్రూపుగా బలాన్ని సమం చేశారు.
నిరాశా నిస్పృహలతో కూడిన పార్లమెంట్‌లో ఆశలు కల్పించేందుకు మా నియోజకవర్గాల ద్వారా మమ్మల్ని ఎన్నుకున్నారని కొత్త స్వతంత్ర కూటమి ఓ ప్రకటనలో తెలిపింది.
ఇప్పటికే ప్రభుత్వం దాదాపు 10 మిలియన్ల మంది పెన్షనర్లకు శీతాకాల ఇంధన భత్యాన్ని రద్దు చేసిందని కూటమి ఫైర్ అయ్యింది.అలాగే ఇద్దరు పిల్లల ప్రయోజనాల పరిమితిని కొనసాగించడానికి ఓటు వేసిందని దుయ్యబట్టింది.ఇజ్రాయెల్‌కు ఆయుధాల విక్రయాలను ముగించాలనే డిమాండ్లు విస్మరించిందని కూటమి ఆగ్రహం వ్యక్తం చేసింది.
కాఠిన్యం, అసనమాత, యుద్ధానికి నిజమైన ప్రత్యామ్నాయం కోసం మిలియన్ల మంది ప్రజలు కేకలు వేస్తున్నారని తెలిపింది.
వ్యక్తులుగా ఈ విషయాలపై మరిన్నింటిపై పార్లమెంట్‌లో వారి ఆందోళనలను సూచించడానికి మా నియోజకవర్గాలచే ఓటు వేయబడింది.అయితే సామూహిక సమూహంగా తాము దీనిని ఎక్కువ ప్రభావంతో కొనసాగించగలమని తాము నమ్ముతున్నామన్నారు.తోటి ఇండిపెండెంట్ ఎంపీల మద్ధతను కూడగట్టడం ద్వారా ప్రధానమంత్రి ప్రశ్నల వేళలో, హౌస్ ఆఫ్ కామన్స్‌లో జరిగే ఇతర సాధారణ చర్చల సమయంలో మంచి ప్రాతినిధ్యం వహించాలని సమూహం భావిస్తోంది.
కాగా, 75 ఏళ్ల కార్బిన్ తన లండన్ నియోజకవర్గం ( London Constituency )ఇస్లింగ్టన్ నార్త్ నుంచి ఇండిపెండెంట్ అభ్యర్ధిగా పోటీ చేశారు.పార్టీలో సెమిటిజం ఎక్కువని గతంలో వ్యాఖ్యానించినందుకు గాను ఆయనను లేబర్ పార్టీ నుంచి బహిష్కరించారు.
తెలుగు NRI వార్త విశేషాలు సులభముగా తెలుసుకోండి!!!!
ఎన్నారై
టాప్ స్టోరీస్
క్రైమ్ న్యూస్
అవీ...ఇవి
ప్రత్యేకం
