మెగా కాంపౌండ్ నుండి వచ్చిన సాయి ధరమ్ తేజ్ అతి తక్కువ సమయంలో హీరోగా తన సత్తా చాటుకున్నాడు.అయితే వరుసగా ఫెయిల్యూర్స్ రావడంతో హిట్ కోసం తహతహలాడిన సాయి ధరమ్ తేజ్, రీసెంట్‌గా ప్రతిరోజూ పండగే సినిమాతో అదిరిపోయే సక్సెస్‌ను అందుకున్నాడు.
ఈ సినిమాతో తేజు కెరీర్‌లోనే బిగ్గెస్ట్ హిట్ అందుకున్నాడు.
ఔట్ అండ్ ఔట్ ఫ్యామిలీ ఎంటర్‌టైనర్‌గా తెరకెక్కిన ఈ సినిమాతో భారీ విజయాన్ని అందుకున్న తేజు, ప్రస్తుతం తన నెక్ట్స్ మూవీ షూటింగ్‌లో పాల్గొంటున్నాడు.
ప్రముఖ నిర్మాత బివిఎస్ఎన్ ప్రసాద్ ప్రొడ్యూస్ చేస్తున్న ఈ సినిమాకు ‘సోలో బ్రతుకే సో బెటర్’ అనే టైటిల్‌ను ఫిక్స్ చేశారు చిత్ర యూనిట్.తాజాగా ఈ సినిమా రిలీజ్ డేట్‌ను చిత్ర యూనిట్ అనౌన్స్ చేశారు.
ఈ సినిమాను సమ్మర్ కానుకగా మే 1న రిలీజ్ చేసేందుకు రెడీ అయ్యారు చిత్ర యూనిట్.
ఈ సినిమాకు సుబ్బు అనే డైరెక్టర్ దర్శకత్వం వహిస్తుండగా, థమన్ సంగీతం అందిస్తున్నాడు.
ఈ రిలీజ్ డేట్‌కు సంబంధించిన పోస్టర్‌ను చిత్ర యూనిట్ సోషల్ మీడియాలో రిలీజ్ చేశారు.ఇస్మార్ట్ శంకర్ బ్యూటీ నభా నటేష్ ఈ సినిమాలో హీరోయిన్‌గా నటిస్తోంది.
మరి ఈ సినిమాతో తేజు మరో హిట్ అందుకుంటాడో లేదో చూడాలి.
