లోతైన సముద్రాన్ని అన్వేషిస్తున్న పరిశోధకుల బృందానికి ఇటీవల ఒక అరుదైన వింత జీవి కనిపించింది.ఈ జీవి ఒక డంబో ఆక్టోపస్( Dumbo Octopus ) అని తర్వాత పరిశోధకులు అర్థం చేసుకున్నారు.
దీని తలపై చెవి లాంటి రెక్కలను ఉంటాయి.ఆ రెక్కలు డిస్నీ ఫిక్షనల్ సినిమాలలో ఎగిరే ఏనుగు అయిన డంబో చెవులను పోలి ఉంటాయి.
అందుకే ఈ ఆక్టోపస్‌కు ఆ పేరు వచ్చింది.డంబో ఆక్టోపస్‌ను ఓషన్ ఎక్స్‌ప్లోరేషన్ ట్రస్ట్ నిర్వహిస్తున్న EV నాటిలస్ పరిశోధనా నౌక( EV Nautilus ) గుర్తించింది.
కాలిఫోర్నియా తీరంలో నీటి అడుగున ఉన్న పర్వతం డేవిడ్‌సన్ సీమౌంట్‌ను( Davidson Seamount ) అన్వేషిస్తున్న పరిశోధకులు దీనిని కనిపెట్టారు.వారు ఆ ప్రాంతంలోని సముద్ర జీవులు, భూగర్భ శాస్త్రాన్ని అధ్యయనం చేసే మిషన్‌లో భాగంగా ఈ నౌక సర్వేను చేపట్టారు.
డంబో ఆక్టోపస్ దాదాపు 3,000 మీటర్ల (9,800 అడుగులు) లోతులో కనిపించింది, ఇక్కడ నీరు చల్లగా, చీకటిగా ఉంటుంది.దాదాపు 60 సెంటీమీటర్ల (24 అంగుళాలు) పొడవు, లేత గులాబీ రంగులో ఉండే ఆక్టోపస్‌ను చూసి పరిశోధకులు ఆశ్చర్యపోయారు.
ఆక్టోపస్‌కి( Octopus ) ఎనిమిది పొట్టి చేతులు ఉన్నాయి.ఆక్టోపస్ దాని రెక్కలు, చేతులను ఉపయోగించి నీటి గుండా సునాయాసంగా ఈత కొట్టింది, అప్పుడప్పుడు ఆహారం కోసం సముద్రపు ఒడ్డున తిరుగుతూ ఉంటుంది.
డంబో ఆక్టోపస్ ప్రపంచంలోని అత్యంత లోతైన ప్రదేశాల్లో జీవించే ఆక్టోపస్‌లలో ఒకటి.వీటిని ప్రపంచవ్యాప్తంగా ఉన్న మహాసముద్రాలలో చూడవచ్చు.ఇది అంబ్రెల్లా ఆక్టోపస్‌లు( Umbrella Octopuses ) అని పిలిచే ఆక్టోపస్‌ల సమూహానికి చెందినది, వీటిలో మొత్తం 17 రకాల డంబో ఆక్టోపస్‌లు ఉన్నాయి.అవి పరిమాణం, ఆకారం, రంగులో మారుతూ ఉంటాయి.వాటిలో కొన్ని 1.8 మీటర్లు (6 అడుగులు) పొడవు, 6 కిలోగ్రాములు (13 పౌండ్లు) వరకు పెరుగుతాయి.ఇవి సముద్రపు అడుగుభాగం నుంచి పీల్చుకునే క్రస్టేసియన్లు, పురుగులు, ఇతర చిన్న జంతువులను తింటాయి.
లోతైన సముద్రంలో నివసించే అనేక అందమైన జీవులలో డంబో ఆక్టోపస్ ఒకటి.EV Nautilus పరిశోధన నౌక డేటా, చిత్రాలను సేకరించడానికి కెమెరాలు, సెన్సార్‌లతో కూడిన రిమోట్‌ వాహనాలను ఉపయోగిస్తుంది.తద్వారా ఈ రహస్య ప్రపంచంలోని కొన్ని రహస్యాలను బయట పెట్టడం లక్ష్యంగా పెట్టుకుంది.
పరిశోధకులు తమ ఆవిష్కరణలను లైవ్ వీడియో స్ట్రీమ్‌లు, సోషల్ మీడియా ప్లాట్‌ఫామ్‌ల ద్వారా ప్రజలతో పంచుకుంటారు.
